Leptón (moeda)
Leptón, plural lepta (en grego antigo: λεπτόν, pl. λεπτά) é a denominación dada a diversas moedas fraccionarias da Antiga Grecia e da Grecia Moderna, que se mantén como denominación fracción centesimal do euro.[1][2][3][4][5]
O seu símbolo de moeda non oficial (xa que non é unha unidade principal) é Λ (lambda).
Historia
[editar | editar a fonte]Na Antiga Grecia
[editar | editar a fonte]
A palabra tiña o significado xeral de "pequeno" ou "fino" e, durante os períodos clásico e helenístico, o leptón sempre foi unha moeda de escaso valor, xeralmente a fracción máis pequena das existentes dunha unidade superior (equivalente á sétima parte dun calco ou a medio cuadrante romano).[6][7][8]
A moeda que se menciona na pasaxe da "Ofrenda da viúva" dos Evanxeos sinópticos (Marcos 12:41-44 e Lucas 21:1-4) como "mite" ou pequena moeda de cobre é realmente o leptón.[9][10] Novamente aparece esta moeda no Evanxeo de Lucas cando se afirma que á persoa que non faga as paces a tempo co seu adversario se lle pedirá "ata o derradeiro leptón" para ser liberado da cadea.[11]
| “ | ... καὶ ἐλθοῦσα μία χήρα πτωχὴ ἔβαλεν λεπτὰ δύο, ὅ ἐστιν κοδράντης. ... (... e chegou unha viúva pobre e botou dúas moediñas de cobre, ou sexa, un cuadrante ... |
” |
No reino dos asmoneos o leptón foi cuñado por vez primeira por Alexandre Xaneo no século I a. de C.
Na Grecia moderna
[editar | editar a fonte]Na Grecia moderna, o leptón (en grego moderno: λεπτό) foi a moeda fraccionaria equivalente á centésima parte de todas as súas unidades monetarias: o fénix (1827-1832), o dracma (1832-2001) e o euro (a partir de 2002).[12][13]
Notas
[editar | editar a fonte]- ↑ "Leptón (2) Arquivado 25 de xaneiro de 2019 en Wayback Machine.". En Digalego.com.
- ↑ É frecuente ver esta palabra con acentuación aguda ou grave. Tanto o DRAG como o Portal das palabras recollen esta entrada como aguda; malia se referir a outra acepción (partícula física), asumimos ese mesmo criterio, ao ser o mesmo o étimo da palabra.
- ↑ "Lepton". En Online Etymology Dictionary.
- ↑ "Lepton". En Mateu y Llopis, F. (1946).
- ↑ "Lepton". En Amandry (2001).
- ↑ Equivalencia entre o leptón e o quadrans.
- ↑ "Lepton (2)". íAlfaro Asins, C. et al. (2009)
- ↑ "La moneda de bronce en el Mediterráneo clásico". En Numismática Clásica. 2016. "Lepton: esta denominación ofrece dudas sobre sus equivalencias, pero se cita como 1/7 de calco".
- ↑ "Lepton". En Algunos tipos de monedas antiguas. www.tesorillo.com.
- ↑ Marcos 12:41-44 e Lucas 21:1-4. As diferentes tradicións idiomáticas falan desas dúas pequenas moedas de cobre con denominacións diferentes: versión en galego; versión en inglés; versión en castelán; versión en portugués; versión en francés.
- ↑ Lucas 12:59. As diferentes tradicións idiomáticas falan desas dúas pequenas moedas de cobre con denominacións diferentes: versión en galego; versión en inglés; versión en castelán; versión en francés.
- ↑ "λεπτό & λεφτό". En Dictionary of Standard Modern Greek.
- ↑ "Lepton (1)". Alfaro Asins, C. et al. (2009)
Véxase tamén
[editar | editar a fonte] |
Wikimedia Commons ten máis contidos multimedia na categoría: Leptón  |
Outros artigos
[editar | editar a fonte]Bibliografía
[editar | editar a fonte]- Alfaro Asins, C. et al. Diccionario de numismática. Ministerio de Cultura. Madrid, 2009. ISBN 978-84-8181-405-7
- Amandry. Dictionnaire de Numismatique. Larousse. París. 2001. ISBN 978-2035050762
- Carradice, I.; Price, M. Coinage in the Greek World. Londres, 1988. ISBN 978-0900652820
- Mateu y Llopis, F. Glosario hispánico de Numismática. Barcelona, 1946.
- Melville Jones, J. R. A Dictionary of Ancient Greek Coins. Londres, 1986. ISBN 978-0900652813