Lenka Reinerová

Lenka Reinerová
	;
Biografía
Nacemento	17 de maio de 1916 ; Praga, República Checa
Morte	27 de xuño de 2008 (92 anos); Praga, República Checa
Datos persoais
País de nacionalidade	República Checa ; Checoslovaquia
Actividade
Ocupación	tradutora , xornalista , escritora
Partido político	Komunistická strana Československa
Membro de	Saxon academy of arts (en)
Lingua	Lingua alemá
	Premios (2006) Gran Cruz da Orde do Mérito da República Federal de Alemaña; (2003) Medalla Goethe; Czech Medal of Merit (en) ; honorary citizen of Prague (en) ;

Lenka Reinerová, nada en Praga o 17 de maio de 1916 e finada na mesma cidade o 27 de xuño de 2008, foi unha escritora checa en lingua alemá.

Traxectoria[editar | editar a fonte]

Reinerová medrou no seo dunha familia xudía. A súa nai era bohemia, de Žatec, e o seu pai de Praga. Traballou como tradutora, intérprete e editora de Arbeiter-Illustrierte-Zeitung até pouco antes de estalar a segunda guerra mundial.^[1] Cando as tropas nazis invadiron o país, Reinerová atopábase de viaxe en Romanía. Tras falar coa súa irmá, quen si estaba no país, decidiu refuxiarse en Francia. Desde alí viaxou a Marrocos en 1938 e máis tarde a México, xunto ao xornalista e escritor Egon Erwin Kisch. Viviu varios anos no país e trabou amizade con Frida Kahlo, Diego Rivera e algúns artistas españois exiliados alí.^[1]

Tralo remate da guerra volveu a Checoslovaquia pero pouco tempo despois foi encarcerada polo réxime comunista. Narrou dita experiencia anos máis tarde na súa novela Alle Farben der Sonne und der Nacht («Todas as cores do sol e da noite»), publicada en 2004.

Tras ser liberada, desterrárona á provincia coa súa familia e non foi rehabilitada até 1964. Tras a Primavera de Praga prohibíuselle publicar, foi expulsada do Partido e perdeu o seu traballo nunha editorial.

Morreu o 27 de xuño de 2008 en Praga aos 92 anos.

Obra[editar | editar a fonte]

Entre os seus libros cabe destacar:

Das Traumcafé einer Pragerin (1996)
Mandelduft (1998)
Zu Hause in Prag - manchmal auch anderswo (2000)
Alle Farben der Sonne und der Nacht (2004)
Närrisches Prag (2005)
Es begann in der Melantrichgasse (2006)
Das Geheimnis der nächsten Minuten (2007)

Premios[editar | editar a fonte]

Entre outros premios, Lenka Reinerová recibiu os seguintes galardóns:

En 1999 foi galardoada co premio Schillering da Fundación Schiller.^[2]
En 2003 concedéuselle a Medalla Goethe.^[3]

Notas[editar | editar a fonte]

↑ ^1,0 ^1,1 Reinerová, Lenka (2004). Alle Farben der Sonne und der Nacht (en alemán) (1ª ed.). Aufbau Taschenbuch. ISBN 9783746620688.
↑ "Lenka Reinerova erhält Schillerring". Der Spiegel (en alemán). 5 de novembro de 1999. Consultado o 23 de novembro de 2022.
↑ "Goethe-Medaillen an Lenka Reinerova und Jorge Semprun". Der Standard (en alemán) (Austria). 22 de marzo de 2003. Consultado o 23 de novembro de 2022.

Véxase tamén[editar | editar a fonte]

Ligazóns externas[editar | editar a fonte]

en Radio.cz Lenka Reinerová
«Biografía e colección de recensións». Perlentaucher (en alemán)

[:0-1] 1,0 ^1,1 Reinerová, Lenka (2004). Alle Farben der Sonne und der Nacht (en alemán) (1ª ed.). Aufbau Taschenbuch. ISBN 9783746620688.

[2] "Lenka Reinerova erhält Schillerring". Der Spiegel (en alemán). 5 de novembro de 1999. Consultado o 23 de novembro de 2022.

[3] "Goethe-Medaillen an Lenka Reinerova und Jorge Semprun". Der Standard (en alemán) (Austria). 22 de marzo de 2003. Consultado o 23 de novembro de 2022.

[1]

[2]

[3]