Leiótrix de bico vermello

Leiótrix de bico vermello
Nome taxon     Leiothrix lutea Giovanni Antonio Scopoli 1786  Nome curto     L. lutea (mul)
Instancia de taxon  Categoría taxonómica especie
Conservación Especie pouco preocupante
Clasificación taxonómica
Superreino Holozoa Reino Animalia Filo Chordata Clase Aves Orde Passeriformes Familia Leiothrichidae Xénero Leiothrix Especie Leiothrix lutea Scopoli, 1786 Leiothrix lutea
Cifras e dimensións  Tamaño da niñada    3
Localización  Área de distribución Provincia de Cantón Montañas Nanling África
Fontes e ligazóns Freebase /m/06pl69 ITIS 178837 OTT 965458 UICN 22716522  Descrito pola fonte Meyers Konversations-Lexikon, 4ª edición (1885–1890)  Tema: Q112802430
Wikidata G:Commons C:Commons

Ovo de Leiothrix lutea calipyga

O leiótrix de bico vermello (Leiothrix lutea) é unha especie de ave paseriforme da familia Leiothrichidae.

Descrición

O macho posúe un canto parecido ao do reiseñor común. Ademais, posúen unhas atractivas cores, das que destaca o verde das ás e o amarelo da gorxa. A súa alimentación é principalmente insectívora, pois caza todo tipo de insectos e vermes. Tamén se alimentan de sementes e froitas.

É empregada como ave de gaiola.

Distribución natural

É unha especie orixinaria do sur de Asia, concretamente desde o norte do Himalaia e Tailandia até o sur da China e Myanmar.

Distribución actual

Algunhas poboacións foron introducidas no Xapón, en Hawai, en Florida (Estados Unidos) e nas illas Reunión. O carácter invasor desta especie motivou a prohibición da súa importación, venda, cría e liberación ao medio ambiente no Xapón.

En Europa está documentada a presenza de individuos escapados en España e Francia. Destaca, dende 1990, o seu asentamento na Serra de Collserola, en puntos do núcleo urbano de Barcelona e na fronteira con Francia no País Vasco e Navarra.

Debido ao seu potencial colonizador e á grave ameaza que supón para as especies autóctonas, os hábitats ou os ecosistemas, esta especie foi catalogada no Catálogo Español de Especies exóticas Invasoras, aprobado por Real Decreto 1628/2011, de 14 de novembro. Polo tanto, está prohibida en España a súa introdución no medio natural, a súa posesión, o seu transporte, o seu tráfico e o seu comercio.

Conservación e ameazas

Debido a que o seu rango de distribución é moi grande, a UICN non a cataloga como especie ameazada, a pesar da destrución do seu hábitat e a súa captura como ave de gaiola.