Latakia

Latakia
Localización
País	Siria
Demografía
Poboación	700 000 habitantes

Coordenadas: 35°31′25″N 35°47′30″L / 35.523611, 35.791667

Latakia^[1] (en árabe: اللاذقية, Al-Lādhiqīyah [el.laːdˈʔɪjje, -aːðˈqɪjja]) é unha localidade costeira de Siria, situada ao norte do Líbano, capital da provincia homónima. A súa poboación estímase en 554.000 habitantes. Deles, aproximadamente, o 50% son de relixión alauí, o 30% cristiáns e o 20% musulmáns sunnitas.

Ten moitos motivos para ser famosa, entre eles o de dar nome a un tipo de tabaco, quizais o tabaco turco máis coñecido, que entra na composición de mesturas para fumar en pipa. É un tabaco de aroma forte e seco, que lembra a alimentos salgados e afumados. Ademais, a cidade foi o lugar natal do expresidente Hafez al-Assad.

É sede da Arquidiocese Metropolitana de Latakia do Patriarcado de Antioquía.

Foi fundada no século IV a. C. co nome de Laodicea (en grego: Λαοδικείαo) por Seleuco I Nicátor en honra á súa nai Laodice. En latín foi coñecida como Laodicea ad Mare. O nome orixinal sobrevive na forma árabe como al-Ladhiqiyyah (en árabe: اللاذقية), do que procede do francés Lattaquié e do inglés Latakia.

Notas

↑ "Latakia". Diciopedia do século 21 2. Do Cumio, Galaxia e do Castro. 2006. p. 1200. ISBN 978-84-8288-942-9.

Véxase tamén[editar | editar a fonte]

Outros artigos[editar | editar a fonte]

[Diciopedia-1] "Latakia". Diciopedia do século 21 2. Do Cumio, Galaxia e do Castro. 2006. p. 1200. ISBN 978-84-8288-942-9.

[1]