Las Dos Regiones
| Las Dos Regiones | |
|---|---|
  | |
| Lingua | lingua castelá |
| Localidade | Meira |
| ISSN | 2255-2162 |
| Na rede | |
 | |
| [ editar datos en Wikidata ] | |
Las Dos Regiones foi un periódico editado en Ribeira de Piquín entre 1908 e 1909.
Historia e características[editar | editar a fonte]
Subtitulado Periódico de intereses generales apareceu en xaneiro de 1908[1]. Fundado e dirixido por Gumersindo Gómez Otero. Constaba de catro páxinas, compostas a catro columnas. En principio bimensual, a partir do número 13, de xullo de 1908, fíxose semanal, saíndo cada sábado. Contén noticias locais, nacionais e estranxeiras e artigos de agricultura, gandería, comercio, industria, festas, cultura, tribunais e sucesos e algúns poemas. Ten as seccións: Oficial, Religiosa, Correspondencia (cartas dos lectores), Corresponsales e Últimas noticias. Publica tamén necrolóxicas e un folletín, e na última plana hai anuncios comerciais. Entre os seus colaboradores figuran José Manuel Rivero, Constantino Fraguas, Ángel Guerra e J.A. López. O periódico debe o seu nome á rede de correspondentes, colaboradores e subscritores con que contaba a ambos lados do río Eo e servía de enlace entre os seus habitantes e os emigrantes en Cuba. Editábase na Imprenta del Sucesor de A. Villarmarín de Lugo. Cesou a súa publicación probablemente en 1909.
Notas[editar | editar a fonte]
- ↑ El Regional, 11-1-1908, p. 3.
Véxase tamén[editar | editar a fonte]
Bibliografía[editar | editar a fonte]
- "Dos Regiones, Las". Enciclopedia Galega Universal. Ir Indo. 1999-2002. ISBN 84-7680-288-9.
- "Dos Regiones, Las". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Fernández Salgado, Benigno (2007). “El Agricultor: agrarismo solidario e rexionalismo lingüístico” en El Agricultor. Edición Facsimilar. Santiago de Compostela: Sociedade Anónima Xestión do Plan Xacobeo. pp. 7–166.
