Lampridiformes

Lampridiformes
Lampriformes Edwin Stephen Goodrich 1909
Instancia de taxon
Categoría taxonómica orde
Taxon superior Teleósteos Lampridiomorfos Actinopterixios Actinopteri
Clasificación taxonómica
Reino	Animalia
Filo	Chordata
Clase	Actinopterygii
Subclase	Neopterygii
Infraclase	Teleostei
Superorde	Lampridiomorpha
Orde	Lampriformes
Identificadores Freebase /m/01h0c7 ITIS 638685 OTT 617745
Wikidata C:Commons

Regalecus glesne

Lampris guttatus

A dos Lampriformes (Lampriformes) é unha orde de peixes da clase dos actinopterixios, subclase dos neopterixios e infraclase dos teleósteos.

Segundo algúns autores, é a única orde da discutida superorde dos Lampridiomorfos (Lampridiomorpha).

Comporende numerosas especies de peixes mariños peláxicos.

Taxonomía

Descrición

A orde foi descrita en 1909 polo ictiólogo inglés Charles Tate Regan.

Etimoloxía

O nome científico Lampriformis está formado sobre a raíz Lapri- do seu xénero tipo, Lampris, co sufixo estándar para formar os nomes das ordes de peixes, -formes. O nome Lampris deriva do grego antigo λαμπρός lamprós "brillante", en referencia á coloración brillante destes peixes. O sufixo deriva do latín forms, "forma externa".

Sinónimos

• Allotriognathi
• Bathysomi
• Lampridiformes

Este último é unha variante ortográfica, empregada a miúdp, pero que aparentemente é incorrecta.

Clasificación

A orde divídese nas segunites seis familias:

• Lampridae Gill, 1862
• Lophotidae Bonaparte, 1845
• Radiicephalidae Osório, 1917
• Regalecidae Gill, 1884
• Stylephoridae Swainson, 1839
• Trachipteridae Swainson, 1839

Moitos autores inclúen tamén unha sétima, Veliferidae Bleeker, 1859.

Ademais, coñécese unha familia extinta: Turkmenidae.

Características

A forma destes peixes é variada pero, en xeral, son esmagados e longos. Carecen de escamas e de verdadeiras espiñas nas aletas. A aleta dorsal é moi longa e tende a ocupar todo o dorso. As aletas pelvianas presentan de 0 a 17 raios. As mandíbulas son altamente protusíbeis (o maxilar, en lugar de estar unido ligamentosamente ao etmoide e ao palatino, deslìzase cara a dentro e cara a fóra co premaxilar altamente protráctil). A vexiga natatoria, cando está presente, é fisoclistosa.

Véxase tamén

Bibliografía

• Nelson, J. S. et al. (2016): Fishes of the world. Fifth edition. Nova York, NY, USA: John Wiley & Sons, Inc. ISBN 978-1-1183-4233-6.

Outros artigos

• Teleósteos

Ligazóns externas

• Lampriformes en BioLib.
• Lampriformes na EOL.