Lampai, Teo
| Lampai | |
|---|---|
 Igrexa de Santa María de Lampai. | |
| Concello | Teo[1] |
| Provincia | A Coruña |
| Coordenadas | 42°46′41″N 8°37′00″O / 42.77805556, -8.61666667 |
| Área | 4,3 km² |
| Poboación | 304 hab. (2019) |
| Densidade | 70,7 hab./km² |
| Entidades de poboación | 5[1] |
| [ editar datos en Wikidata ] | |
Santa María de Lampai é unha parroquia que se localiza no oeste do concello de Teo. Segundo o padrón municipal de 2004 tiña 286 habitantes (146 homes e 140 mulleres) distribuídos en 5 entidades de poboación en 4,3[2] km², o que supón unha diminución en relación ao ano 1999 cando tiña 297 habitantes.
Patrimonio
[editar | editar a fonte]A igrexa de Santa María de Lampai é de orixe románica e conserva a base estrutural: unha ábsida case cuadrangular e unha nave rectangular. A porta, situada na fachada, está rodeada dunha dobre arcada de medio punto volteada sobre columnas próximas. Tamén son destacables os arcos lobulados da arcada superior.
No interior da igrexa destaca a capela maior cuberta cunha bóveda de canón sostida por dúas arcadas de medio punto, subliñando o arco triunfal de entrada que se voltea sobre as columnas de capiteis vexetais.
No Mosteiro, a mesma aldea onde está a igrexa, existiu o mosteiro de San Paio, que dá nome ao lugar e que foi incendiado polos veciños en rebelión polos abusos sufridos polos monxes.
Dá nome ao couto de Lampai, un terreo pertencente actualmente á veciña parroquia de Cruces (Padrón), doado en 1156 polo rei Afonso VII ao plebeo Sancho Eanes.
Lugares e parroquias
[editar | editar a fonte]Lugares de Lampai
[editar | editar a fonte]| Lugares da parroquia de Lampai no concello de Teo (A Coruña) | |
|---|---|
|
A Grela | O Mosteiro | A Silva | Veitureira | Vilar do Bispo |
Parroquias de Teo
[editar | editar a fonte]Notas
[editar | editar a fonte]- 1 2 DECRETO 27/2026, do 30 de marzo, polo que se aproba o Nomenclátor de Galicia.
- ↑ Páxina oficial do concello de Teo Arquivado 31 de xaneiro de 2015 en Wayback Machine., datos das parroquias
