Lamas do Biduedo, Triacastela

Para outras páxinas con títulos homónimos véxase: Lamas.

Lamas do Biduedo
Ermida de San Pedro.
Concello	Triacastela
Provincia	Lugo
Coordenadas	42°45′26″N 7°10′58″O
Poboación	90 hab. (2017)
Entidades de poboación	4
[ editar datos en Wikidata ]

Santo Isidro de Lamas do Biduedo é unha parroquia do concello lugués de Triacastela na comarca de Sarria. No ano 2007 tiña 102 habitantes (56 homes e 46 mulleres) distribuídos en 4 entidades de poboación, o que supón unha diminución de 15 habitantes en relación ao ano 2000.

Toponimia

O orónimo provén do latín lama, e indica un lugar con lama ou lodo.

Patrimonio

A igrexa parroquial está situada no núcleo de Lamas, nunha elevación do terreo. Foi construída en 1949, con estilo ecléctico de trazado neogótico e espadana clásica. Ten planta rectangular pechada cunha ábsida plana e cunha cuberta a dúas augas. O adro de acceso ten cuberta a catro augas. A fachada principal ten no lugar do rosetón un oco apuntado de iluminación. A espadana ten corpo central de dous ocos e medio punto con molduras e frontón triangular de remarte con pináculo e arco de medio punto. Na parte posterior sitúase a sancristía, máis baixa e reducida cá nave central.

No lugar do Biduedo hai unha capela adicada a San Pedro. Ten unha nave única duns 5 por 10 m, cun oco na fachada sur e cuberta a dúas augas con artesoado de madeira.

Galería de imaxes

Artigo principal: Galería de imaxes de Lamas do Biduedo, Triacastela.

• 
  Tractor en Lamas do Biduedo.
• 
  Igrexa parroquial.

Lugares e parroquias

Lugares de Lamas do Biduedo

Lugares da parroquia de Lamas do Biduedo no concello de Triacastela (Lugo)
O Biduedo | A Lagúa | Lamas | Meizarán

Véxase tamén

Outros artigos

• Lugares de Triacastela