Lakposhtha hâm parvaz mikonand

Lakposhtha hâm parvaz mikonand
Instancia de filme  Título کیسەڵەکانیش دەفڕن (ckb) لاک‌پشت‌ها هم پرواز می‌کنند (fa)
Características  Cor en cor  Xénero artístico cinema bélico cinema dramático  Formato de distribución vídeo baixo demanda  Tema principal suicidio Invasão do Iraque em 2003 (pt)  Ambientado en Kurdistán iraquí  Lingua orixinal lingua kurda
Implicados  Produtor/a Bahman Ghobadi  Director/a Bahman Ghobadi  Compositor/a Hossein Alizadeh  Guionista Bahman Ghobadi  Director/a fotografía Shahriar Asadi (en)  Editor/a de cine Hayedeh Safiyari (en) Mostafa Kherghepoosh (en)  Distribuidor/a IFC Films Netflix
Datas  Data de publicación 5 de maio de 2005 (Alemaña) 2004
Historia  Nomeamentos Satellite Award de melhor filme estrangeiro (pt) (2005) candidato internacional aos Premios Óscars (2005)
Cifras e dimensións Duración 98 min
Localización  País de orixe Francia Irán Iraq
Códigos e identificadores Freebase /m/054gjs
Fontes e ligazóns  Puntuación da crítica 85/100 Metacritic (2 de marzo de 2024) 7.7/10 Rotten Tomatoes (6 de outubro de 2021) 88% Rotten Tomatoes (6 de outubro de 2021)
Wikidata

Lakposhtha hâm parvaz mikonand (en persa: لاک پشت ها هم پرواز می کنند, que en galego significa "As tartarugas tamén voan"), é un filme escrito e dirixido polo director de cine iraniano Bahman Ghobadi. Foi o primeiro filme gravado en territorio iraquí dende a caída de Saddam Hussein.

Sinopse

Os feitos ocorren antes da invasión de Iraq pola coalición de países liderados polos Estados Unidos, en 2003. Nun campo de refuxiados no Kurdistán iraquí, na fronteira entre Irán e Turquía, os superviventes buscan desesperadamente os cartos necesarios para comprar unha antena parabólica con poder suficiente para coñecer as noticias internacionais sobre a inminente guerra. Os nenos, marcados pola guerra, mutiladas, orfos, famentos, desenraizados, son os que levan a peor parte, forzados a vivir en condicións infrahumanas e a actuar coma adultos, a pesar da súa curta idade. O filme mostra o sufrimento cotián deses mozos, a amizade entre eles, o difícil que é ter que sobrevivir co mínimo e cuxa única forma de obter ingresos para as súas necesidades básicas é desactivar as minas terrestres e vendelas no mercado negro.

Ghobadi dirixiu a película con moitos mozos protagonistas non profesionais que sufriron a dor na súa propia carne, representando as súas experiencias reais, o que fai máis crúa a alegación antibelicista.

Personaxes

• Soran Ebrahim como "Hollywood" (Kak Satellite).
• Avaz Latif como Agrin (a nena-nai).
• Hiresh Feyssal Rahman como Hengov (o manco que ve o futuro).
• Saddam Hossein Feysal como Pashow (ó que lle faltaba un pé).
• Abdol Rahman Karim como Riga (o bebé que coida Agrin).
• Ajil Zibari como Shirkooh (o neno chorón).

Galardóns e nomeamentos

• 2004: San Sebastián: Cuncha de Ouro á Mellor Película

Véxase tamén

Outros artigos

• Filmes de Irán propostos ó Óscar ó mellor filme internacional
• Filmes propostos ó mellor filme internacional na 77ª edición dos Óscar

Ligazóns externas

• Ficha en Filmaffinity (en castelán)
• Ficha en IMDb (en inglés)