Lago Hòb

Na Galipedia, a Wikipedia en galego.
Saltar ata a navegación Saltar á procura
Vista parcial do lago Hòb, dende a súa ribeira oriental. Esta é a zona de maior largo e tamén a de maior fondura.

O lago Hòb (Hope en inglés) é un loch cerrado situado na parte máis setentrional de Escocia.

Características[editar | editar a fonte]

O lago Hòb esténdese alongadamente de sur a norte, nas terras antes pertencentes ao condado de Sutherland e agora sumidas na área municipal da Terra Alta. É alimentado polas augas do Srath Mòre, o río que forma o val de An Srath Mòr e desemboca na ría de Euraboil polo curto río Hòb, que non chega ao quilómetro de curso. É polo tanto un lago pechado, pero moi próximo ao mar, o que permite o acceso de especies piscícolas. O seu largo máximo é de 1.200 m, cunha lonxitude que rolda os 8 km, e unha fondura máxima de 55 m.

As súas ribeiras están despoboadas: só un pequeno lugar no seu extremo norte (Hope, no seu nome oficial inglés) prové algúns servizos orientados á pesca deportiva. Nas proximidades da ribeira leste, e dominando o lago, sitúase o monte Beinn Hòb, o munro máis setentrional de Escocia.

Aproveitamento[editar | editar a fonte]

O lago Hòb é coñecido por ser un lugar frecuente de pesca deportiva, particularmente dunha variedade de troita que ten comportamentos migratorios (marcha ao mar a desovar), e do salmón. A pesca é máis habitual na ribeira oeste.

Curiosidades[editar | editar a fonte]

  • O lago dálle nome a diversas variedades de plantas con flor, coma narcisos e lirios.