Lady Macbeth do distrito de Mtsensk, en ruso:Леди Макбет Мценского уезда, trans.Ledi Makbet Mtsenskogo Uyezda) é unha ópera en catro actos do compositor rusoDmitri Shostakovitch, estreada en 1934.[1]
O libreto de Alexandre Preis está inspirado na novela curta do mesmo nome publicada en 1865 por Nikolai Leskov.[2] Ambientada na Rusia do século XIX, conta a historia dunha muller casada e presionada polo seu sogro por non ter fillos, Katerina Lvovna Izmaylova, que se namora doutro home e acaba cometendo asasinatos. O guión é escuro, con moita violencia e sexo; o New York Sun cualificouna de "pornofonía".[3]
O título fai referencia a Lady Macbeth, a antiheroína da traxedia shakespearianaMacbeth (1606); porén, intepretacións posteriores buscaron empatizar, a pesar dos seus crimes, cunha Katerina "vítima do patriarcado".[4][5]
Artigo do Pravda "СУМБУР ВМЕСТО МУЗЫКИ" ("CAOS" ou "RUÍDO EN LUGAR DE MÚSICA").
Estreouse en 1934 no Teatro Mikhaylovsky de San Petersburgo (daquela Leningrado), con enorme éxito de público e crítica. Nos anos seguintes representouse en escenarios de todo o mundo. A ópera, con todo, fíxose aínda máis famosa debido á intervención das autoridades soviéticas: en 1936, funcionarios do goberno comunista, incluído Josef Stalin, asistiron a unha representación no Teatro Bolshoi. Na edición do 28 de xaneiro do xornal Pravda, publicouse unha crítica severa que cualificaba a ópera de cacofonía e "ruído en lugar de música", e que entre outras cousas o autor carecía de conciencia de clase, "ignoraba as exixencias da cultura soviética" e preocupábase pouco polo seu público.
Ante esta acusación, Shostakóvitch comezou a temer pola súa liberdade artística e en 1937 escribiu a súa Quinta Sinfonía nun ton moito máis convencional, seguindo os parámetros do realismo socialista, aclamada pola crítica soviética. Foi descrita polo propio autor como "a resposta dun artista soviético á xusta crítica".
Esta foi a última ópera de Shostakovich. Na década de 1960 compuxo unha nova versión, eliminando as partes máis controvertidas. Actualmente, con todo, a composición orixinal é a máis interpretada.
Shostakovich 'Lady Macbeth of Mtsensk' Condutor Teodor Currentzis, director Henryk Baranowski, representación da Ópera Estatal de Novosibirsk en 2016 (youtube.com)
![](https://gl.wikipedia.org/wiki/Ficheiro:"Muddle_instead_of_music",_Pravda.png)
