La Gonâve

Na Galipedia, a Wikipedia en galego.
Saltar para a navegação Saltar para a pesquisa
La Gonâve
Guanabo
Haiti map.png
Localización da illa
Gonave Haiti ne18-8 air small.jpg
Mapa da illa
Situación
País Flag of Haiti.svg Haití
Mar Golfo de Gonâve, Mar Caribe
Coordenadas 18°50′N 73°05′O / 18.833, -73.083Coordenadas: 18°50′N 73°05′O / 18.833, -73.083
Xeografía
Superficie 689´62 km²
Longura máxima 56 km.
Largura máxima 16 km.
Punto máis alto 778 m. Morne La Pierre
Demografía
Capital Anse-à-Galets (49.050 hab.)
Poboación 87.077 (2015)
Densidade 126 hab./km²

Illa Gonâve (francés: Île de la Gonâve, castelán: Guanaba, pronounced: [ɡɔ.nav]; tamén La Gonâve) é unha illa de Haití situada ao oeste-noroeste de Port-au-Prince no Golfo de Gonâve. É a máis grande das illas circundantes da Hispaniola. A illa é un Arrondissement (Arrondissement de La Gonâve) no Ouest e abarca a comuna de Anse-à-Galets e Pointe-à-Raquette. Os indíxenas taínos chamábana á illa Guanabo.[1]

Xeografía[editar | editar a fonte]

1818 Mapa da illa Gonâve.

Composta maioritariamente de pedra calcaria, o arrecife de coral da illa de Gonâve é longo ten 15 km de largo e cobre unha superficie de 690 km². A illa é estéril e montañosa, o punto máis alto que alcanza 778 m.. A illa recibe entre 800 mm. e 1.600 mm. de choiva ao ano, as elevacións máis altas reciben esta última cifra.[2]

A natureza estéril e seca do chan impediron durante moito tempo o desenvolvemento agrícola na illa e mantivo á poboación máis baixa do que doutro xeito podería ser. Durante o período colonial, a illa non foi habitada polos colonos, o que levou aos indíxenas a buscar refuxio alí logo das batallas tempranas cos españois.[3] Os escravos fuxitivos no período de Saint-Domingue tamén buscaron ás veces a illa como lugar para esconderse dos seus donos no continente.[4] O sobrepastoreo e sobreexplotación dos recursos hídricos afectan aos residentes actuais da illa.

División Administrativa[editar | editar a fonte]

O distrito da Gonâve divídese en dúas comunas: Anse-à-Galets e Pointe-à-Raquette. Estes se subdividen en once seccións e dúas cidades (villes). As cidades son Anse-à-Galets e Pointe-à-Raquette, chamadas así polas súas respectivas comunas. Anse-à-Galets é o asentamento máis grande da illa, cunha poboación estimada en 2015 de 52.662 habitantes dunha poboación total da illa, de 87.077 habitantes.[5][6]

Anse-à-Galets Pointe-à-Raquette
1º Palma 5º Gros Mangle
2º Petite Source 6º La Source
3º Grande Source 7º Grand Vide
4º Grand Lagon 8º Trou Louis
10º Picmy (Pickmy) 9º Pointe-à-Raquette
11º Petite Anse

Historia[editar | editar a fonte]

En 1926, o sarxento dos Corpo de Marines dos Estados Unidos Faustin E. Wirkus (1897-1948) foi proclamado polos residentes da illa como o rei Faustino II. O seu "reinado" durou ata 1929, cando regresou aos Estados Unidos logo de ser expulsado polo goberno haitiano.[7]

A mediados dos anos 80, o cantante británico Cliff Richard gravou unha canción "La Gonave" para axudar á xente da illa.

Os peiraos da illa foron danados polo terremoto de 2010 en Haití o 12 de xaneiro de 2010. A raíz do dano, as subministracións transportáronse por aire á pista de terra de 548´6 metros.[8]

Desastre "Fierté gonavienne"[editar | editar a fonte]

O 8 de setembro de 1997, un transbordador desde a Gonâve a Montrouis no continente haitiano afundiuse con centos de pasaxeiros a bordo. Considérase o peor desastre na historia marítima haitiana desde o accidente do "Neptuno" en 1993.[8]

Notas[editar | editar a fonte]

  1. Description de Saint-Domingue, M.L.E. Moreau de Saint-Méry, vol. 2, p. 528, Philadelphia: 1798.
  2. National Aeronautics and Space Administration
  3. Description de Saint-Domingue, p. 528.
  4. "Les Affiches Américaines", 19 de marzo de 1766, pg. 102 (accessed 30 de maio de 2014)
  5. "Sections communales et villes de la République d'Haiti". Gexpert Haiti. Consultado o 2014-05-29. 
  6. IHSI, "POPULATION TOTALE, POPULATION DE 18 ANS ET PLUS MENAGES ET DENSITES ESTIMES EN 2009" Arquivado 24 de novembro de 2014 en Wayback Machine., Marzo 2009 (accessed 30 de maio de 2014)
  7. Wallace, Amy; Jane Farrow; IRA Basen (novembro 2005). "9 Ordinary men who became king (#9)". The Book of Lists, the Canadian Edition: The Original Compendium of Curious Information. Knopf Canada. p. 273. ISBN 0-676-97720-0. 
  8. 8,0 8,1 The Bahamas Weekly, "Bahamas Habitat completes 150th Haiti relief flight", GeneralAviationNews.com, 4 de febreiro de 2010 (accessed 4 de febreiro de 2010)

Véxase tamén[editar | editar a fonte]