LU-P-5303

LU-P-5303 Estrada de subida a Torbeo
Estrada LU-P-5303 entre Torbeo e San Lourenzo.
Identificador
Tipoloxía	Rede Secundaria
Titular da vía	Deputación de Lugo
Lonxitude	16,3 km
Localización
Inicio	LU-P-5301
Fin	Pena Furada O Castro de Caldelas
Localidade	Ribas de Sil
Circulación
Velocidade máxima

A estrada LU-P-5303 é unha vía da rede secundaria de Galicia, xestionada pola Deputación de Lugo. Conecta a estrada LU-P-5301, situada no núcleo urbano de San Clodio, en Ribas de Sil, coa parroquia de Torbeo, no mesmo municipio. Esténdese ata o límite provincial entre Lugo e Ourense no municipio do Castro de Caldelas, no alto de Pena Furada. Ten unha lonxitude de 16,394 km.

Esta estrada vertebra a parroquia de Torbeo e a zona oriental do municipio de Ribas de Sil, xa que facilita a conexión do centro urbano de San Clodio con aldeas do municipio, entre elas: Rairos, O Barreiro, Moreiras de Abaixo, Moreiras do Medio, San Lourenzo, A Ventosa, Torbeo, A Cubela, As Cortes, Filgueiro, Os Vilares, Moreiras de Arriba e As Pozas. Ademais, a estrada pasa por varios puntos de interese, como o miradoiro de Pena do Ladeiro, miradoiro do Río Sil e a pista de engalaxe de parapentes e estación meteorolóxica Coto-Charly.

Trazado

A estrada parte da estrada LU-P-5301 no núcleo urbano de San Clodio en Ribas de Sil. Tras 3 km entra en Rairos e comeza a subir un porto de montaña cruzando as aldeas de Barreiros, Moreiras de Abaixo, San Lourenzo, Torbeo e As Pozas. Finaliza no límite provincial con Ourense no municipio do Castro de Caldelas.