Kristin Gierisch

Kristin Gierisch

Kristin Gierisch no Campionato de Alemaña de atletismo 2015. Chemnitz.
Biografía
Nacemento	20 de agosto de 1990 Zwickau, Saxonia, Alemaña
Datos persoais
País de nacionalidade	Alemá
Altura	1,78 m
Peso	61 kg
Actividade
Ocupación	atleta , policía
Empregador	Polícia Federal (pt)
Lingua	Lingua alemá
Nacionalidade deportiva	Alemaña
Deporte	Atletismo Triplo salto
Disciplina deportiva	Triplo salto
Adestrador	Harry Marusch
Traxectoria   Equipo Competición - SV Vorwärts Zwickau (en) - LAC Erdgas Chemnitz (en) - TSV Bayer 04 Leverkusen (en)
Participou en
2021	Xogos Olímpicos de 2020 (30ª)
2016	Xogos Olímpicos de 2016 (11ª)

Kristin Gierisch, nada en Zwickau, Saxonia (Alemaña) o 20 de agosto de 1990, é unha atleta alemá especializada na proba de triplo salto.

Gañou a medalla de prata no Campionato mundial en pista cuberta de 2016, no Campionato de Europa de 2018 e a de ouro no Campionato de Europa en pista cuberta de 2017. Ademais, foi cuarta no Campionato de Europa en pista cuberta de 2015 e novena no Campionato de Europa de 2014.

As súas mellores marcas persoais na competición de triplo salto son 14,45 m ao aire libre (-0,5 m/s, Berlín 2018) e 14,46 m en pista cuberta (Praga 2015).

Traxectoria

Principais eventos

No Campionato do mundo de atletismo en pista cuberta de 2016 gañou a medalla de prata no triplo salto, cun salto de 14,30 m, sendo superada pola venezolana Yulimar Rojas (ouro con 14,41 m) e por diante da atleta grega Paraskeví Papachristou (bronce con 14,15 m).

O 10 de agosto de 2018, no Campionato de Europa de atletismo, no Estadio Olímpico de Berlín, Gierisch gañou a medallla de prata cun salto de 14,45 m, detrás da grega Paraskeví Papachristou (ouro, cun salto de 14,60 m), e por diante da española (galega) Ana Peleteiro (bronce, cun salto de 14,44 m).