Koelreuteria paniculata

Na Galipedia, a Wikipedia en galego.

Koelreuteria paniculata

Follas e floración
Clasificación científica
Reino: Plantae
(sen clasif.) Anxiospermas
(sen clasif.): Eudicots
(sen clasif.): Rosids
Orde: Sapindales
Familia: Sapindaceae
Xénero: 'Koelreuteria'
Nome binomial
''Koelreuteria paniculata''
Laxm., 1772
Folla
Froitas e flores maduras
Cápsulas inmaturas.
Froitos e sementes maduras.

Koelreuteria paniculata é unha especie de planta arbórea da familia Sapindaceae, orixinaria de Asia Oriental, en particular de China e Corea.[1] [2] [3]

Descrición[editar | editar a fonte]

É unha árbore caducifolia de tamaño pequeno ou mediano que alcanza os 7 m de altura, cunha copa ancha en forma de cúpula. As follas son pinnadas, de 15-40 cm de lonxitude, raramente de ata 50 cm, con 7-15 folíolos de 3-8 cm de longo, cunha marxe bilobulada.

As flores son amarelas, con catro pétalos organizados asimétricamente cunha mancha vermella-laranxa na base, que medran nunha gran panícula terminal de 20-40 cm de lonxitude. O froito é unha cápsula de 3-6 cm de longo e 2-4 cm, verde e que se volve rosa-laranxa ao madurar no outono; contén varias sementes de cor marrón escura a negra de 5-8 mm de diámetro.

Cultivo[editar | editar a fonte]

Cultívase popularmente como árbore ornamental en rexións temperadas do mundo polo aspecto estético das súas flores, follas e vainas de sementes. Seleccionáronse varios cultivares para plantar no xardín, incluíndo "Fastigiata" cunha coroa estreita e "Gold September", que florece a finais do verán.

Esta planta gañou o premio ao mérito do xardín da Royal Horticultural Society.[4]

As sementes son comestíbeis cando se asan, pero non se comen habitualmente.

Nalgunhas áreas, sobre todo o leste dos Estados Unidos e particularmente Florida, considérase unha especie invasora.

Taxonomía[editar | editar a fonte]

Koelreuteria paniculata foi descrita por Erich Laxmann e publicada en Novi Commentarii Academiae Scientiarum Imperalis Petropolitanae 16: 563–564, f. 1. 1772. [5]

Etimoloxía[editar | editar a fonte]

Koelreuteria - Foi o nome xenérico dado en homenaxe a Joseph Gottlieb Kölreuter (1733–1806 ), un botánico, médico, profesor de Historia Natural e director do Xardín Botánico de Karslruhe.[6] A letra -o- con umlaut (os dous puntos similares á diérese) transcríbese -oe- (Koelreuter = Kölreuter). En portugués o nome pasou a Coreutéria.

paniculata : epíteto latino que significa "con panículas".[7]

Variedades[editar | editar a fonte]

Todas as variedades e outros taxons infraespecíficos descritos son sinónimos da especie.

Sinonimia[editar | editar a fonte]

  • Koelreuteria apiculata Rehder & E. H. Wilson
  • Koelreuteria bipinnata var. apiculata (Rehder & EH Wilson) FC How & CN Ho
  • Koelreuteria chinensis (Murray) Hoffmanns.
  • Koelreuteria paniculata var. apiculata (Rehder & EH Wilson) Rehder
  • Koelreuteria paniculata var. lixianensis H. L. Tsiang
  • Paullinia aurea Radlk.
  • Sapindus chinensis Murray
  • Sapindus paniculata (Laxm. ) Dum. Cours.[8]

Nomes comúns[editar | editar a fonte]

  • En portugués o nome científico derivou en Coreutéria
  • En castelán ten diversos nomes, como jabonero de la China, árbol de los farolillos ou árbol del barniz.[9]
Este artigo tan só é un bosquexo
 Este artigo sobre bioloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.

Notas[editar | editar a fonte]

  1. ↑ "PLANTS Profile for Koelreuteria paniculata (goldenrain tree)". Natural Resources Conservation Service. United States Department of Agriculture. Consultado o 8 de agosto de 2011. 
  2. ↑ RHS A-Z encyclopedia of garden plants. United Kingdom: Dorling Kindersley. 2008. p. 1136. ISBN 1405332964. 
  3. ↑ goldenrain tree.Encyclopædia Britannica Online. Encyclopædia Britannica. Retrieved 2008-07-12.
  4. ↑ "Plant selector (Copia arquivada)". RHS.org. Arquivado dende o orixinal o 5 de xuño de 2013. Consultado o 1 de xaneiro de 2013. 
  5. ↑ "Koelreuteria paniculata". Tropicos.org. Missouri Botanical Garden. Consultado o 1 de enero de 2013. 
  6. ↑ En Nombres botánicos
  7. ↑ En Epítetos Botánicos
  8. ↑ Koelreuteria paniculata en PlantList
  9. ↑ "Saindaceae" (PDF). Flora Ibérica. Consultado o 4 de xuño de 2022. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Koelreuteria_paniculata&oldid=6367531»