Kimberly Breier
  | |
| Biografía | |
|---|---|
| Nacemento | 12 de setembro de 1972 (51 anos) Marblehead, Estados Unidos de América (pt)  |
| Datos persoais | |
| País de nacionalidade | Estados Unidos de América |
| Educación | Walsh School of Foreign Service (en) Middlebury College (pt) |
| Actividade | |
| Ocupación | diplomática |
| Partido político | Partido Republicano |
Kimberly Breier, nada en Massachusetts o 12 de setembro de 1972, é unha diplomática estadounidense, Subsecretaria de Estado para Asuntos do Hemisferio Occidental desde outubro de 2018 até agosto de 2019.[1][2]
Traxectoria[editar | editar a fonte]
Primeiros anos e estudos[editar | editar a fonte]
Nada no estado de Massachusetts, realizou unha licenciatura en idioma español no Middlebury College. Realizou unha mestría en estudos latinoamericanos na facultade de Servizo Exterior da Universidade de Georgetown.[2]
Carreira[editar | editar a fonte]
Entre xaneiro de 2005 e xuño de 2006, traballou na Casa Branca na oficina de asuntos do hemisferio occidental do Consello de Seguridade Nacional, primeiro como directora para o Brasil e o Cono Sur, e posteriormente como directora para México e o Canadá. Tamén foi directora interina para a rexión andina.[2]
Traballou no sector privado e en think tanks. Foi fundadora e directora da Iniciativa de Futuros México-Estados Unidos, e subdirectora do Programa das Américas no Centro de Estudos Estratéxicos e Internacionais. Por cinco anos foi vicepresidenta dunha consultora. Durante dez anos foi analista da Axencia Central de Intelixencia (CIA), como así tamén xerente nunha empresa de espionaxe.[2]
Baixo a administración Trump, desde 2017 integrou o equipo de elaboración de políticas para o hemisferio occidental do Departamento de Estado dos Estados Unidos.[2] En marzo de 2018, Donald Trump postulouna como subsecretaria para asuntos do hemisferio occidental, sendo ratificada polo Senado dos Estados Unidos en outubro dese ano. Breier substituíu no cargo a Francisco Palmieri, quen ocupaba o posto de forma interina desde o inicio do mandato de Trump en xaneiro de 2017.[3] Trala súa confirmación no cargo, a través de Twitter expresou cales serían as súas prioridades, considerando aos gobernos de Venezuela e Nicaragua como «réximes corruptos».[4]
Notas[editar | editar a fonte]
- ↑ "Trump Announces Key Additions to his Administration". Arquivado dende o orixinal o 16 de decembro de 2019. Consultado o 7 de marzo de 2018.
- ↑ 2,0 2,1 2,2 2,3 2,4 "Breier, Kimberly" (en inglés). Consultado o 21 de decembro de 2018.
- ↑ "Kimberly Breier, la nueva secretaria de Estado adjunta de EU para Latinoamérica" (en castelán). 13 de outubro de 2018. Consultado o 21 de decembro de 2018.
- ↑ ""Corruptos regímenes de Nicaragua y Venezuela", prioridades de Kimberly Breier" (en castelán). Consultado o 21 de decembro de 2018.