Kevin Johansen

Kevin Johansen

Biografía
Nacemento	Kevin Andrew Johansen Estados Unidos Fairbanks, Alasca, 21 de xuño de 1964 Fairbanks, Estados Unidos de América
Datos persoais
País de nacionalidade	Estadounidense Arxentino
Actividade
Ocupación	Músico
Período de actividade	1992 -
Membro de	Kevin Johansen + The Nada (pt)
Xénero artístico	Rock Pop Música latina Cumbia amazónica Música psicodélica
Lingua	Lingua castelá e lingua inglesa
Tesitura	Barítono
Instrumento	Baixo
Selo discográfico	Sony Music
Familia
Cónxuxe	Mariana León (1990 – 2006) María Laura Franco (2006 – presente)
Fillos	Miranda Johansen (n. 1997) Kim Ema Johansen (n. 2004) Tom Atahualpa Johansen (n. 2007) Roy Johansen (n. 2015)
Premios (novembro de 2023)  Outstanding Citizen of Buenos Aires (en)
Páxina web	kevinjohansen.com

Kevin Andrew Johansen, nado en Fairbanks o 21 de xuño de 1964, é un cantante estadounidense nacionalizado arxentino. Caracterízase por un son particular que fusiona a música popular da Arxentina e de América Latina, o rock alternativo e o pop estadounidense nun estilo que el mesmo chamou "Des-Generado".

Traxectoria

Fillo de nai arxentina e pai estadounidense, naceu en Fairbanks, Alasca, onde viviu até os 4 anos. A familia mudouse logo a Colorado, e o ano seguinte a Arizona. Con 6 anos instalouse en San Francisco. Cando Johansen tiña 12 anos viaxa a Buenos Aires, e tamén viviu en Montevideo aos 13 e 14 anos. Alí iniciouse no mundo da música e aprendeu a tocar a guitarra. Volveu a Buenos Aires e viviu alí até que en 1990 se muda a Nova York. En 2000 regresa a Buenos Aires, onde reside na actualidade. É coñecido cariñosamente como "Piojo" polo seu parecido co exfutbolista Claudio "Piojo" López.

Inicios artísticos

Na década de 1980 Johansen fixo algunhas aparicións esporádicas no rock arxentino coa banda Instrucción Cívica, xunto a Julián Benjamín e Fernando Samalea. Editaron dous álbums: Obediencia Debida (1985) e Instrucción Cívica (1986).

Década de 1990

En 1990 mudouse a Nova York. Tocou no CBGB varios anos até a creación do seu grupo The Nada, un xogo de palabras entre "a nada" e "de nada". En 2000, The Nada gravou o seu primeiro álbum, unha mestura de diferentes músicas latinas co rock moderno, o funk e o pop. Ese ano Johansen volveu a Arxentina. O álbum, da discográfica Los Años Luz, foi ben recibido polo público e levou o grupo de xira.

Anos 2000

Kevin Johansen e The Nada durante unha actuación en 2007

Cara finais de 2002 Johansen gravou «Sur o no sur», comercializado por Los Años Luz na Arxentina e por Sony Music no resto do mundo. O corte de difusión deste disco foi a milonga «Daisy», cuxo videoclip foi filmado no barrio porteño de La Boca. Foi dirixido por Andrea Urquiola e protagonizado pola actriz transexual Mariana Aria e un grupo de bailaríns quen realizan unha coreografía entre homes, típica dos comezos da milonga.

Durante 2003 Johansen tivo moita sona na Arxentina, pois unha das súas cancións, «Down with my baby», foi a sintonía de cabeceira da serie televisiva Resistiré. Isto levouno a tocar no Teatro Gran Rex en xuño dese ano. Durante a súa xira por España concentrou un público moi numeroso, tanto en Madrid como en Barcelona. Actuou nos premios MTV e comezou unha xira por algunhas cidades dos EUA, como Miami, Nova York, Chicago, Os Ánxeles e San Francisco, onde "Sur o no sur" estaba por ser lanzado.

En 2004 continuou a xira por México, Chile, Bélxica e España. "Sur o no sur" foi nomeado para os Premios Grammy nas categorías Álbum do ano e Canción do Ano e Mellor Vídeo Musical (por «La Procesión»). En 2005 recibiu o Premio Konex - Diploma ao Mérito como un dos mellores cantantes de pop/balada da década na Arxentina.

Entre viaxes gravou "City Zen", o seu terceiro disco, de novo con Los Años Luz. O álbum foi moi ben recibido polo público e pola crítica.

En 2008 e 2009 realizou unha serie de concertos co seu amigo Liniers. Neles proxectábanse debuxos feitos en directo polo humorista gráfico ao tempo que Johansen interpretaba as súas cancións. Este concepto foi expandido en 2009 para o primeiro DVD de The Nada, gravado en vivo no Teatro "El Nacional". Mentres a banda interpreta as cancións de Johansen, Liniers realiza unha pintura monumental de carácter mural.

Anos 2010

Kevin Johansen en Mendoza

En 2010 Johansen gravou con Pablo Lescano o «Himno a Sarmiento», o cal interpretaran xuntos durante o espectáculo de apertura de Puertas do Bicentenario da Revolución de Maio.

En 2012 edítase “BI” (Sony Music), o novo álbum de Kevin Johansen e The Nada, que foi gravado en dúas partes. A primeira, “Jogo (Subtropicalia)”, foi realizada nos Estudos Del Arco coa coprodución de Javier Tenenbaum e Osqui Amante. A segunda, “Fogo (Pop Heart)”, foi realizada nos Estudos El Pie coa coprodución de Tweety González.

Na primeira parte, "Jogo (Subtropicalia)", fica impreso un forte selo folclórico, cunha mirada cara ao Uruguai e ao Brasil. Porén, en "Fogo (Pop Heart)" prevalece un son máis roqueiro e cancións en inglés, todos temas propios e dúas versións: «Everybody Knows» de Leonard Cohen e «Modern Love» de David Bowie.

"BI" contou coa participación de Lila Downs, Rubén Rada, Daniela Mercury, Natalia Lafourcade, Paulinho Moska, Lisandro Aristimuño, Fernando Cabrera e Orquesta El Arranque, entre outros. O 25 de maio de 2014 formou parte dos festexos do aniversario da Revolución de Maio, dentro do programa "Somos Cultura".

En varias das súas cancións Kevin usou o metro 2/4, característico do tango e a milonga. En 2015 recibiu o Premio Konex na disciplina Canción de Autor.

O 26 de abril de 2019 lanzou o seu noveno álbum de estudio, "Algo Ritmos", e o videoclip do seu single, “Cuentas Claras”. En xullo levou a cabo a xira miTOURbano polos EUA e Europa, a cal esgotou entradas nalgúns concertos, e o resto dese ano percorreu América Latina.

Anos 2020

Por mor da pandemia, durante 2020 Kevin levou a cabo unha xira mundial virtual con 4 datas distintas: Cancións propias en español, Cancións propias en inglés, Cancións propias e impropias, e Cancións Latinoamericanas. A finais do ano lanza xunto con David Lebón o seu novo sinxelo, "Todo Esto".

En abril de 2021 Kevin actuou no Teatro Gran Rex de Buenos Aires con dúas funcións vendidas. Emprende durante o mes de maio unha xira por España, "Vecino Tour", en que actúa en Valencia (La Rambleta), Barcelona (Sala Barts), Madrid (Teatro Calderón) e Vigo (Auditorio Mar de Vigo).

Discografía

The nada (2000)

1. Guacamole
2. En mi cabeza
3. You’re the Bossa
4. Soñé
5. No me abandones
6. Ni idea
7. Campo argentino
8. Living in a story
9. McGuevara’s o CheDonald’s
10. Heat of the moment
11. So lazy
12. El círculo
13. El de la puerta

Sur o no sur (2002)

1. Sur o no sur
2. Star estrella
3. Puerto Madero
4. La procesión
5. Daisy
6. Timing
7. Down with my baby
8. Chill out james
9. Cumbiera intelectual
10. No seas insegura
11. Sur o no sur (Reprise)
12. Acción!
13. La chanson de Prevert
14. Hindue blues
15. Go on
16. Hacele caso
17. La tangómana
18. Me fui pal monte
19. Candombito
20. He andao

City Zen (2005)

1. City zen
2. All I wanna do is you
3. Desde que te perdí
4. Atahualpa, you funky!
5. El palomo
6. I don’t know
7. Oops
8. No voy a ser yo
9. La falla de San Andrés (dedicado a David Byrne)
10. The gem in I
11. Volutas de humo
12. Buenos Aires Anti-social Club
13. El incomprendido
14. Push your luck
15. Milonga subtropical
16. Tom Zen
17. Twist del rezo
18. Tema del zurdo
19. Everything is (Falling into place)

Logo (2007)

1. Logo
2. Anoche Soñé Contigo
3. Susan Surrender
4. Ese Lunar
5. Fantasmas de Carnaval
6. Funny Face
7. Road Movie
8. Son del Mp3
9. La Hamaca
10. Por Las Ruas
11. Chica Rollinga
12. S.O.S. Tan Fashion
13. Oh My Love, My Love
14. Everybody Says
15. Luna Sobre Porto Alegre
16. Amistad de Borrachera
17. Cliché Latino, Cliché Gringo

Vivo en Buenos Aires (2010)

1. Logo
2. En mi cabeza
3. El Palomo
4. No voy a ser yo
5. Mc Guevaras's o Che Donal's
6. Hindue Blues
7. El Círculo
8. La Hamaca
9. Desde que te perdí
10. Oops!
11. Cumbia Intelectual
12. Sos tan Fashion + Everything is
13. Anoche soñé contigo
14. Down with my baby
15. Buenos Aires anti-social club
16. Guacamole
17. Fin de fiesta

Bi (2012)

1. Amor Finito
2. Baja a la Tierra
3. Jogo (Subtropicalia)
4. Tan Fácil
5. Veredas de Agua
6. Vecino
7. My Name is Peligro
8. Alta, Fea y Linda
9. Milonga que Paso
10. Picaflor
11. Nunca Digas Siempre
12. Whyoh
13. Chacarera del Deseo (Como Pega el Sol)
14. Waiting for The Sun to Shine
15. Buenos Aires Rio
16. Nieva en Buenos Aires
17. Y Sigo (Canción de Autoayuda Para Mi)
18. No Digas Quizás
19. Down In The Forest (So Many Lovers)
20. Glass
21. Party Girl (Love You To Death)
22. Basta ya de Bastas (Rastars & Rockstars)
23. Seventeen
24. Apocalypso
25. No Tiene Nombre
26. Los Tics Del Jazzero (Tics of the Jazzman)
27. Dark Side Of Me
28. Everybody Knows
29. Modern Love

Bi(vo) en México (2015)

1. Amor Finito (en vivo)
2. Baja a la Tierra (en vivo)
3. En mi cabeza (en vivo)
4. My Name is Peligro (en vivo)
5. Vecino (en vivo)
6. No seas insegura (en vivo)
7. Ni idea (en vivo)
8. Modern Love (en vivo)
9. Cumbiera intelectual (en vivo)
10. S.O.S. Tan Fashion (en vivo)
11. El corrido de la falta administrativa (en vivo)
12. Desde que te perdí (en vivo)
13. No tiene nombre (en vivo)
14. I don't know (en vivo)
15. Anoche soñé contigo (en vivo)
16. No Digas Quizás (en vivo)
17. Guacamole (en vivo)

Mis Américas (2016)

1. Es como el día -con Miranda Johansen
2. Dios de la Marea -con Miss Bolivia
3. Tiene algo (Intresting little thing)
4. Oh, what a waist (pero que cintura)
5. 5 in the morning (The great divide)
6. La bach-chata -con Marcos Mundstock y Palito Ortega
7. El jardín del desdén
8. Folky -con Pity Álvarez
9. Torcer a favor
10. Life is killing me
11. Meanwhile
12. Amor Telepathic Love
13. Zambaguala del viajero

Algo ritmos (2019)

1. De repente
2. Mi querido Brasil - con Maria Gadú, Jorge Drexler & Kassin
3. Solo le dije
4. Train of thought
5. New York without you
6. Tú ve
7. Teletransportación - con Daniel Drexler
8. Sin decir palabra - con Leonor Watling
9. Cuentas claras
10. Pobre millonario
11. Cocktail groupie
12. Noche ideal
13. La gente más linda (Mito Urbano) - con La Shica

Sinxelos

• Available 20s (2020)
• Todo Esto, con David Lebón (2020)

Vida persoal

En Nova York coñeceu a súa primeira esposa, Mariana León, unha bailarina arxentina. Tiveron dúas fillas, Miranda (1997) e Kim Ema (2002).

En 2006 Johansen divorciouse de Mariana e formou parella con Laura Franco. Tiveron dous fillos, Tom Atahualpa (2007) e Roy (2015).

Ligazóns externas

• Biografía de Kevin Johansen en Rock.com.ar
• Kevinjohansen.com Arquivado 24 de maio de 2022 en Wayback Machine. Páxina oficial de Johansen.
• Lt24online.com.ar Entrevista a Johansen en revista arxentina.
• Montevideo.com.uy Entrevista a Johansen en revista uruguaia.
• Agendameperu.com Noticia sobre Johansen en publicación peruana.
• Wrasserecords.com Noticias ey biografía de Johansen. (En inglés).
• Netglimse.com Biografía detallada de Johansen. (En inglés).
• Vialactea.be Información xeral e presentación de Johansen. (En francés).