Ketty Nivyabandi

Na Galipedia, a Wikipedia en galego.
Saltar ata a navegación Saltar á procura
Ketty Nivyabandi
Nacemento19 de xullo de 1978
 Uccle
NacionalidadeBurundi e Bélxica
Ocupaciónpoeta, escritora e Activista polos dereitos humanos
editar datos en Wikidata ]

Ketty Nivyabandi, nada en Uccle (Bruxelas) o 19 de xullo de 1978[1], é unha poeta e activista polos dereitos humanos de Burundi. Reside exiliada en Otava (Canadá).

Traxectoria[editar | editar a fonte]

Creceu en Bujumbura, onde estudou relacións internacionais e traballou como xornalista.[2]

A súa obra poética, en lingua francesa, apareceu en revistas literarias como World Literature Today[3] e Words Without Borders,[4] e en antoloxías como We Have Crossed Many Rivers: New Poetry from Africa (2012).[5] En 2012 representou Burundi na Olimpíada Cultural paralela aos Xogos Olímpicos de 2012, celebrados en Londres[3].

Nivyabandi comezou o seu activismo durante a crise constitucional de 2015 de Burundi. Liderou a primeira protesta do país na que só participaron mulleres, e foi membro fundador do Movemento de Mulleres e Rapazas pola Paz e a Seguridade en Burundi. Viuse obrigada a deixar o país cando foi sinalada polo goberno.[6] Testificou ante o subcomité para a violación de dereitos humanos en Burundi na Cámara dos Comúns do Canada, e decote participa en charlas sobre dereitos humanos, especialmente os dereitos das mulleres e os efectos dos conflitos nas vidas das mulleres.[2] En 2016 foi incluída na obra de Kate Schatz Rad Women Worldwide.[7]

En 2017 uniuse á Iniciativa de Mulleres Nobel como membro asociado.[6] En marzo de 2019 falou na Convención Anual de Xenebra polos Dereitos Humanos e a Democracia.[8]

Notas[editar | editar a fonte]

  1. Gaël Faye (22 de marzo de 2017). "Ketty Nivyabandi, le chemin vers la liberté". Libération (en francés). 
  2. 2,0 2,1 "Ketty Nivyabandi". Geneva Summit for Human Rights and Democracy. 
  3. 3,0 3,1 "Ketty Nivyabandi". World Literature Today. Marzo de 2014. 
  4. "Izina". Words Without Borders. Xullo de 2015. 
  5. Okoro, Dike, ed. (2012). We Have Crossed Many Rivers: New Poetry from Africa. African Books Collective. ISBN 9789788244325. 
  6. 6,0 6,1 "Meet Ketty Nivyabandi, Burundi". Nobel Women's Initiative. 30 de novembro de 2017. 
  7. Schatz, Kate, ed. (2016). Rad Women Worldwide: Artists and Athletes, Pirates and Punks, and Other Revolutionaries who Shaped History. Ten Speed Press. ISBN 9780399578861. 
  8. "11th Geneva Summit – Mar. 26, 2019". Geneva Summit for Human Rights and Democracy. 

Véxase tamén[editar | editar a fonte]

Ligazóns externas[editar | editar a fonte]