Kelvin Edward Felix

Kelvin Edward Felix
	;
Biografía
Nacemento	15 de febreiro de 1933 (91 anos); Roseau
Cardeal
	22 de febreiro de 2014 –
Arcebispo católico
	5 de outubro de 1981 – 15 de febreiro de 2008 ; ← Patrick Webster (en) – Robert Rivas (en) → ; Diocese: Arquidiocese de Castries (pt)
Datos persoais
País de nacionalidade	Dominica
Relixión	Igrexa católica
Educación	Universidade de Notre Dame (pt) ; Universidade de Bradford (pt)
Actividade
Ocupación	bispo católico (1981–), sacerdote católico (1956–)
Empregador	Universidade das Indias Occidentais
Consagración	Paul Fouad Tabet (en)
	Premios Oficial da Orde do Imperio Británico ;
	(la) ut omnes unum sint

Kelvin Edward Felix, nado o 15 de febreiro de 1933 en Roseau (Dominica) é un cardeal e arcebispo católico latino, arcebispo de Castries (Santa Lucía) entre 1981 e 2008.

Traxectoria[editar | editar a fonte]

Naceu en Roseau o 15 de febreiro de 1933. Estudou no seminario San Xoán María Vianney en Trinidad, e foi ordenado sacerdote o 8 de abril de 1956, converténdose no primeiro sacerdote diocesano de Roseau e no primeiro sacerdote católico en ser ordenado en Dominica.

Logo de exercer o seu ministerio por uns anos en Dominica, marchou a estudar á Universidade San Francisco Xabier en Nova Escocia, graduándose en Educación en 1963; e obtivo un máster en Socioloxía e Antropoloxía na Universidade de Notre Dame (Indiana), en 1967. Finalizou os seus estudos en Socioloxía na Universidade de Bradford (Inglaterra), graduándose en 1970. Posteriormente foi profesor na Universidade das Indias Occidentais en St. Augustine (Trinidad e Tobago).

O 17 de xullo de 1981 foi elixido arcebispo de Castries. Recibiu a consagración episcopal o 5 de outubro de mans do pro-nuncio para as Antillas Bulus Fuad Naim Tabit, tendo como co-consagrantes ao arcebispo de Porto España Gordon Anthony Pantin e ao arcebispo de Kingston Samuel Emmanuel Carter.

Durante o seu pontificado foi tamén presidente da Conferencia Episcopal das Antilla, e membro do Pontificio Consello para a Familia e do Pontificio Consello para o Diálogo Interrelixioso.

Permaneceu á fronte da arquidiocese e Castries até que Bieito XVI aceptou o seu retiramento ao alcanzar a idade canónica, o 15 de febreiro de 2008. No consistorio do 22 de febreiro de 2014 o papa Francisco creouno cardeal co título de Cardeal-Presbítero de Santa Maria della Salute a Primavalle.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Perfil no Vaticano (en italiano)