Karuta

	Instancia de xogo de cartas
	Subclase de Baralho português (pt)
	Epónimo carta (pt) en lingua portuguesa

Karuta
	Instancia de xogo de cartas
	Subclase de Baralho português (pt)
	Epónimo carta (pt) en lingua portuguesa
Freebase
Códigos e identificadores
Freebase
Freebase	/m/0c8h3
	Wikidata C:Commons

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Carta do xogo xaponés *obake karuta* (cartas de monstros), c. inicios do século . Cada carta mostra un monstro da mitoloxía xaponesa e un carácter do silabario hiragana, neste caso, "ゑ".

Karuta (かるた, Karuta^?, do portugués carta) é un xogo de cartas xaponés.

Historia

As cartas foron introducidas no Xapón polos comerciantes portugueses dos océanos Índico e Pacífico a mediados do século XVI.

As barallas de Karuta divídense en dous grupos: as que descenden das cartas portuguesas e as do e-awase. O e-awase era un pasatempo popular entre os nobres xaponeses durante o período Kamakura, aínda que a súa historia remóntase ao período Heian.

Xogo

A idea básica de calquera xogo de karuta é ser capaz de determinar rapidamente que carta é a indicada dentro dun grupo de cartas e logo tomala antes de que sexa tomada polo outro opoñente. Para xogar karuta necesítanse dúas clases de cartas, unha delas é a yomifuda (読札) ou «cartas de lectura» e a outra é a torifuda (取り札) ou «cartas para agarrar». Un terceiro xogador debe ler a carta yomifuda, que contén un poema ou un coñecido refrán. Entón os xogadores deben atopar o seu torifuda asociada co seu contido.^[1]

Tipos

Existen moitos tipos de cartas de karuta.

O Hanafuda consiste nun xogo con 48 cartas con deseños de flores. Componse de doce paus e catro cartas por pau. Non é necesario coñecer o idioma xaponés para xogalo.

No uta-garuta, os xogadores deben tratar de atopar as últimas dúas liñas dun poema tanka, dadas as primeiras tres liñas. A miúdo pódese identificar un poema pola súa primeira ou segunda sílaba. Os poemas para este xogo son tomados do Hyakunin Isshu e son tradicionalmente interpretados no día de Ano Novo.^[1]

Calquera que poida ler hiragana pode xogar o iroha-garuta. Neste, unha torifuda típica mostra unha imaxe cun kana na esquina do cartón. O seu yomifuda correspondente mostra un proverbio relacionado con esa imaxe, mentres a primeira sílaba de devandito proverbio, é o kana debuxado na esquina.

Notas

1 2 "Hyakunin Isshu Karuta: Japanese Traditional Poetry Card Game" (en inglés). Ministry of Foreign Affairs of Japan. Consultado o 20 de novembro de 2012.

Véxase tamén

Outros artigos

Palabras de orixe portuguesa na lingua xaponesa
Nintendo (compañía de videoxogos que comezou fabricando karuta)

[mofa-1] 1 2 "Hyakunin Isshu Karuta: Japanese Traditional Poetry Card Game" (en inglés). Ministry of Foreign Affairs of Japan. Consultado o 20 de novembro de 2012.

[1]