Julio Gurriarán

Julio Gurriarán

Biografía
Nacemento	17 de abril de 1919 O Barco de Valdeorras, España
Morte	27 de marzo de 2012 (92 anos) O Barco de Valdeorras, España
Procurador en Cortes
16 de maio de 1958 – 18 de abril de 1961 Lexislatura: 6th legislature of the Francoist Cortes (en)
Alcalde do Barco de Valdeorras
Datos persoais
País de nacionalidade	España
Actividade
Lugar de traballo	Madrid
Ocupación	político
Lingua	Lingua castelá

Julio Gurriarán Canalejas, nado no Barco de Valdeorras o 17 de abril de 1919 e finado no mesmo concello o 27 de marzo de 2012, foi un médico e político galego do PPdeG.

Traxectoria

Foi xefe local do SEU, un dos fundadores do Club Peña Trevinca (1944), alcalde do Barco de Valdeorras (1953–1979), deputado provincial e procurador en Cortes en representación dos concellos da provincia de Ourense (1958-1961). Foi presidente do Consello de Administración do Instituto Nacional de Previsión.

Na democracia foi elixido senador pola provincia de Ourense por Alianza Popular na segunda lexislatura (1982-1986). En 1987 encabezou a candidatura de Alianza Popular no Barco e foi a forza máis votada, se ben non logrou a alcaldía tras un pacto tripartito que fixo alcalde ó candidato do CDS Eulogio Gavela García. En 1991 encabezou a candidatura do PPdeG e logrou a maioría absoluta, polo que volveu ser alcalde do Barco. En 1995 perdeu a maioría absoluta, continuando como alcalde despois de que os grupos de esquerdas non chegasen a un acordo. Gobernou en minoría ata que en xuño de 1996 alcanzou un pacto de goberno cos concelleiros da Plataforma de Independentes de España. Porén, en xullo de 1997 expulsou ós independentes do goberno e asumiu o resto do mandato en minoría. Non se presentou á reelección en 1999 e abandonou política.

Recoñecementos

No Barco de Valdeorras o CEIP Plurilingüe Julio Gurriarán Canalejas leva o seu nome.

Véxase tamén

Bibliografía

• García Yáñez, Félix (2005). O Barco e a terra de Valdeorras durante a II República e o Franquismo (1931-1971). Vigo: A Nosa Terra. ISBN 84-96403-13-0. 

Outros artigos

• Lista de senadores galegos desde a Transición
• Eleccións municipais no Barco de Valdeorras

Ligazóns externas

• Ficha no Senado