Julia Rodríguez-Maribona
| Biografía | |
|---|---|
| Nacemento | 12 de novembro de 1923  Avilés, España |
| Morte | 16 de marzo de 2005 (81 anos) Neuchâtel, Suíza |
| Actividade | |
| Ocupación | enfermera e inventora |
Julia Rodríguez-Maribona, nada en Avilés o 12 de novembro de 1923 e finada en Neuchâtel (Suíza) o 16 de marzo de 2005, foi unha enfermeira española considerada a inventora da fregona xunto coa súa nai Julia Montoussé Frages.[1][2]
Traxectoria[editar | editar a fonte]
Julia Rodríguez é filla de Julia Montoussé e o industrial José Maribona. Na década dos oitenta, emigrou a Suíza onde coñeceu ao seu segundo marido, Albert, e exerceu como enfermeira. Morreu de leucemia na cidade suíza de Neuchatel o 16 de marzo de 2005.[3]
Rodríguez e a súa nai deseñaron un dispositivo de limpeza que combinaba cubo, pau e trapo, que posteriormente foi coñecido como fregona. Por este invento, obtiveron en 1953 o modelo de utilidade (un tipo de dereito que se concede a unha invención e que impide a terceiros utilizar comercialmente a invención protexida, sen a súa autorización) nº 34.262, co título "Dispositivo acoplable a toda clase de recipientes tal como baldes, cubos, caldeiros e similares, para facilitar o fregado, lavado e secado de pisos, chans, corredores, zócolos e locais en xeral".[1][4]
O deseño foi adquirido pola fábrica de artigos de uso doméstico Manufacturas Rodex, do enxeñeiro Manuel Jalón, ao que si se lle outorgou o recoñecemento do invento pola patente de invención nº 298.240 en 1964, once anos despois.[5] Rodríguez e Montoussé seguen sen ser recoñecidas como inventoras da fregona debido a esa diferenza xurídica entre modelo de utilidade e patente de invención.[6]
Notas[editar | editar a fonte]
- ↑ 1,0 1,1 España, La Nueva. "Las avilesinas que idearon la fregona". Consultado o 29 de xuño de 2018.
- ↑ "Julia Montoussé Frages y su hija Julia Rodríguez-Maribona, “inventoras” de la fregona | Ciencia y más | Mujeres con ciencia". Mujeres con ciencia (en castelán). Consultado o 29 de xuño de 2018.
- ↑ "Rosa Millán García En Femenino". Consultado o 29 de xuño de 2018.
- ↑ "Las inventoras de la fregona fueron las Julias: una madre y una hija de Avilés". Consultado o 29 de xuño de 2018.
- ↑ "Información sobre la marca MANUFACTURAS RODEX, S.A. "MAROSA" - N-0044244". Consultado o 29 de xuño de 2018.
- ↑ "La fregona, un hombre lleva la fama y dos mujeres registraron la idea original - Historias de la Historia". Consultado o 29 de xuño de 2018.