Judith Sutz

Na Galipedia, a Wikipedia en galego.
Saltar ata a navegación Saltar á procura
Judith Sutz
Nome completoJudith Sutz Vaisman
Nacemento16 de decembro de 1946
Lugar de nacementoMontevideo
NacionalidadeUruguai
Alma máterUniversidade Central de Venezuela
Ocupaciónenxeñeira eléctrica e profesora universitaria
Na rede
Dialnet: 143317
editar datos en Wikidata ]

Judith Sutz Vaisman, nada en Montevideo o 16 de decembro de 1946[1], é unha enxeñeira eléctrica e profesora uruguaia, investigadora da Universidade da República e, desde 1992, é Coordinadora da Unidade Académica da Comisión Sectorial de Investigación Científica (CSIC).[2] Ten un máster en Planificación do Desenvolvemento pola Universidade Central de Venezuela e é Doutora en Socioeconomía do Desenvolvemento pola Universidade da Sorbona.[3][4]

Traxectoria[editar | editar a fonte]

En 1977 licenciouse como enxeñeira electricista[a] na Universidade Central de Venezuela. Continuou estudando na mesma Universidade, egresando co máster en Planificación de Desenvolvemento, con mención en Ciencia e Tecnoloxía.[5]

En 1984 defendeu a tese doutoral Informatique et Societé: quelques réflexions à partir du Tiers Monde,[6] realizada no curso de doutoramento "Socio Economía do Desenvolvemento: Mención Economía"*, na Universidade da Sorbona.

É investigadora grao 5 da Universidade da República. Desde 1992 é coordinadora da Unidade Académica da Comisión Sectorial de Investigación Científica (CSIC).

É Nivel III do Sistema Nacional de Investigación e integrante da Academia Nacional de Ciencias do Uruguai. Participou na Organización de Estados Iberoaméricanos como experta/consultora e na Rede Iberoamericana de Indicadores de Ciencia e Tecnoloxía. Tamén foi membro da World Academy of Arts and Sciences, dos consellos editoriais da Revista Iberoamericana de Ciencia, Tecnologia y Sociedad e de Research Policy.

É investigadora no campo da Ciencia, Tecnoloxía, Sociedade e Desenvolvemento. Especializouse no estudo das problemáticas do desenvolvemento e subdesenvolvemento a partir das interrelacións entre ciencia, tecnoloxía e sociedade. Tamén investiga acerca dos problemas asociados coa produción e o uso social do coñecemento, fomentando a interdisciplina no campo das Ciencias Sociais[2]. As especificidades da “innovación no Sur”, o concepto de “universidade para o desenvolvemento”, a importancia das “divisorias da aprendizaxe” máis aló das diversas fendas tecnolóxicas, a proposta de pensar as “políticas de innovación como políticas sociais”, constitúen enfoques e conceptos integrados hoxe en vertentes da literatura internacional sobre innovación e desenvolvemento.

Obras[editar | editar a fonte]

Algunhas das publicacións máis recentes son:

Notas[editar | editar a fonte]

  1. Denominación da títulación nesta universidade. Ver "Estudios". www.ucv.ve. Consultado o 2 de maio de 2022. 
Referencias
  1. "ISNI 0000000035116688 Sutz, J. ( born 1946-12-16 )". isni.oclc.org. Consultado o 30 de abril de 2022. 
  2. 2,0 2,1 www.areaw3.com, AreaW3-. "CiTINDe - Ciencia, Tecnología e Innovación para un Nuevo Desarrollo". CITINDE (en castelán). Consultado o de maio de 2022. 
  3. Judith Sutz en autores.uy
  4. bibna. "Catálogo de Autoridades de la Biblioteca Nacional de Uruguai". Uruguai. Consultado o 18 de agosto de 2016. 
  5. Museo de la Palabra. "Sutz, Judith (1946)". Uruguai. Consultado o 18 de agosto de 2016. [Ligazón morta]
  6. Lacroix, Jean-Guy (1986). "Judith Sutz, Informatique et société : quelques réflexions à partir du Tiers Monde, 1984". Communication. Information Médias Théories 8 (1): 190–192. 

Véxase tamén[editar | editar a fonte]

Ligazóns externas[editar | editar a fonte]