Juan Francisco Torres

Na Galipedia, a Wikipedia en galego.
(Redirección desde «Juan Francisco Torres Belén»)
Juanfran
Información persoal
Nome Juan Francisco Torres Belén
Nacemento 9 de xaneiro de 1985 (39 anos)
Lugar de nacemento Crevillent
Altura 1,80 m.
Posición Extremo/lateral dereito
Información de club
Club actual São Paulo
Número 20
Carreira xuvenil
Kelme CF
Real Madrid
Carreira sénior
Anos Equipos Aprs (Gls)
2002–2005 Real Madrid B 56 (6)
2004–2006 Real Madrid 6 (0)
2005–2006Espanyol (cedido) 30 (1)
2006–2011 Osasuna 148 (12)
2011–2019 Atlético de Madrid 243 (3)
2019– São Paulo 17 (0)
Selección nacional
2003 España sub-17 4 (1)
2003 España sub-18 3 (0)
2004 España sub-19 4 (1)
2003–2005 España sub-20 11 (3)
2004–2006 España sub-21 9 (0)
2012–2016 España 22 (1)
Na rede
Twitter: JuanfranTorres Instagram: 20.juanfran FIFA: 207906 UEFA: 69172 Editar o valor em Wikidata
Partidos e goles só en liga doméstica.
Club: actualizado a 9 de decembro de 2019.
editar datos en Wikidata ]

Juan Francisco Torres Belén, máis coñecido como Juanfran, nado en Crevillent (Alacant) o 9 de xaneiro de 1985, é un futbolista español. Xoga de extremo ou lateral por banda dereita e o seu actual equipo é o São Paulo FC brasileiro.

Tamén xogou un partido coa selección de fútbol de España, coa que gañou, aínda que non xogou ningún partido, a Eurocopa de 2012, o terceiro título do triplete conseguido pola selección entre 2008 e 2012, inédito na historia do fútbol.[1]

Traxectoria[editar | editar a fonte]

Juanfran formouse nas categorías inferiores do Kelme CF, desde onde pasou á cadea filial do Real Madrid, chegando a xogar co primeiro equipo en Primeira División o 24 de xaneiro de 2004 ante o Villarreal CF, que acabou con vitoria por 2-1 para os madrileños.

Na tempada 2005-06 foi cedido ao RCD Espanyol.[2] Sería nese club no que conseguiría o seu primeiro título, a Copa do Rei de fútbol, enfrontándose co Zaragoza na final que se disputou no Estadio Santiago Bernabéu.

Un ano despois fichou polo Osasuna,[3] equipo no que xogou frecuentemente como titular. O 31 de maio de 2009 marcou un gol decisivo para a permanencia do Osasuna en Primeira División, no partido que enfrontou ao equipo rojillo e ao Real Madrid na última xornada de Liga.[4]

O 12 de xaneiro de 2011 foi traspasado ao Atlético de Madrid por 4 250 000 €[5] e só dous días despois debutou como titular co conxunto branquivermello no Santiago Bernabéu no partido de ida dos cuartos de final da Copa do Rei fronte ao Real Madrid, finalizando o encontro cunha vitoria para o club branco por tres a un. No seguinte partido, o 17 de xaneiro, fixo o seu debut en liga no Vicente Calderón contra o Real Club Deportivo Mallorca (3-0). Na última xornada de liga marcou no Iberostar Estadi o seu primeiro gol coa camiseta do Atlético fronte ao Mallorca conseguindo a vitoria (3-4). Tivo un sabor especial pois dedicou o gol ao seu pai que falecera unhas semanas antes.

Na tempada 2011/12, o 28 de xullo, disputou o seu primeiro partido europeo coa camiseta do Atlético de Madrid no partido de ida da terceira rolda de clasificación da Europa League (2-1). O 28 de agosto de 2011 disputou o seu partido número 200 en Primeira División no empate a cero contra o Osasuna. O 29 de setembro, no partido correspondente á segunda xornada da fase de grupos da Europa League que lle enfrontou ao Rennes, Juanfran anotou o seu primeiro gol en competición europea pondo o definitivo empate a un no marcador. Meses máis tarde, en concreto o 9 de maio de 2012, conseguiu o seu primeiro título internacional proclamándose co seu equipo campión da Europa League ao vencer por 3-0 ao Athletic Club.

Selección nacional[editar | editar a fonte]

Juanfran foi internacional nas categorías inferiores da selección, participando nos mundiais Sub-20 de 2003 e 2005, sendo subcampión no dos Emiratos 2003, xunto a Andrés Iniesta entre outros.

O 15 de maio de 2012 o seu nome apareceu como convocado[6] por primeira vez na lista para os seguintes amigables da Selección española absoluta, ante Serbia e ante Corea do Sur, dada polo seleccionador Vicente del Bosque. Debutou o 26 de maio no partido contra a selección nacional de Serbia portando o dorsal número 6 e xogando o partido enteiro. Ao día seguinte, o seleccionador Vicente del Bosque convocouno para disputar a Eurocopa de 2012 que se disputaba en Polonia e Ucraína na que se proclamou campión a pesar de non disputar ningún minuto do torneo.

Participacións en Eurocopas[editar | editar a fonte]

Eurocopa Sede Resultado
Eurocopa 2012 Polonia Polonia
Ucraína Ucraína
Campión

Estatísticas[editar | editar a fonte]

Actualizado o 14 de maio de 2012.

Club Tempada Categoría Liga Copa Europa League Total
PX Goles PX Goles PX Goles PX Goles
España Real Madrid 2003/04 Primeira División 5 0 0 0 - - 5 0
2004/05 Primeira División 1 0 0 0 - - 1 0
España RCD Espanyol 2005/06 Primeira División 30 1 6 0 - - 36 1
España CA Osasuna 2006/07 Primeira División 28 2 4 0 9 1 41 3
2007/08 Primeira División 34 3 2 0 - - 36 3
2008/09 Primeira División 35 2 1 0 - - 36 2
2009/10 Primeira División 33 4 3 0 - - 36 4
2010/11 Primeira División 18 1 1 0 - - 19 1
España Atlético de Madrid 15 1 2 0 - - 17 1
2011/12 Primeira División 26 0 2 0 16 1 44 1
Total 225 14 21 0 25 2 271 16

Palmarés[editar | editar a fonte]

Campionatos nacionais[editar | editar a fonte]

Título Equipo País Ano
Copa do Rei RCD Espanyol España 2006
Copa do Rei Atlético de Madrid España 2013
Primeira División Atlético de Madrid España 2014

Copas internacionais[editar | editar a fonte]

Título Equipo País Ano
UEFA Europa League Atlético de Madrid España 2012
Eurocopa Selección española Polonia/Ucraína 2012
Supercopa de Europa Atlético de Madrid España 2012

Distincións individuais[editar | editar a fonte]

Distinción Ano
Premio banda dereita de prata de Fútbol Draft[7] 2006

Notas[editar | editar a fonte]

  1. Marca, ed. (1 de xullo de 2012). "España reescribe a historia". 
  2. "Juanfran se va cedido al Espanyol". Mercafutbol (en castelán). Arquivado dende o orixinal o 02 de xullo de 2012. Consultado o 02 de xullo de 2012. 
  3. "Juanfran firma co CA Osasuna para as próximas catro tempadas". Arquivado dende o orixinal o 27 de setembro de 2007. Consultado o 02 de xullo de 2012. 
  4. Juanfran marcou o gol da permanencia
  5. Club Atlético Osasuna (ed.). "Traspaso de Juanfran ao Atlético de Madrid". Arquivado dende o orixinal o 14 de xaneiro de 2011. Consultado o 12 de xaneiro de 2011. 
  6. Convocatoria da Selección española.
  7. "Fútbol Draft 2006". 

Véxase tamén[editar | editar a fonte]

Ligazóns externas[editar | editar a fonte]