Juan Díaz Lobelos
| Biografía | |
|---|---|
| Nacemento | Fisterra, España  |
| Morte | 1997 Porto Rico, Estados Unidos de América |
| Datos persoais | |
| País de nacionalidade | España |
| Actividade | |
| Ocupación | sindicalista , político |
| Familia | |
| Irmáns | José Díaz Lobelos |
Juan Díaz Lobelos, coñecido como Juan de Xan de Siso, nado en Fisterra e finado en Porto Rico en 1997, foi un sindicalista e político galego.
Traxectoria[editar | editar a fonte]
Emigrou con 17 anos aos Estados Unidos de América, onde traballou de chófer, albanel, mineiro, fogueiro e mariñeiro. En 1932 foi detido e procesado por motivos político-sindicais, e regresou a Galicia. Instalouse na Coruña, traballou como mariñeiro e foi membro da Sociedade de Oficios Varios da UGT. Co golpe de Estado do 18 de xullo de 1936 foi detido e torturado, conseguindo fugarse. Regresou a Fisterra buscando protección na familia. Fuxiu co seu irmán José no pesqueiro Cabo Finisterre o 18 de decembro de 1936 logrando chegar a Asturias, desembarcando en San Esteban de Pravia. Combateu no exército leal. Foi xulgado en Ferrol e declarado en rebeldía. Logrou exiliarse en Francia. Residiu en Alxer até 1951, cando o seu irmán José o reclamou e puido marchar a Arxentina. Embarcou na mariña mercante arxentina e abandonou o buque en Nova York onde quedou a vivir. En Nova York casou cunha portorriqueña, e ao xubilarse trasládaronse a Porto Rico, onde morreu.