Juan Carlos Varela

Na Galipedia, a Wikipedia en galego.
Juan Carlos Varela Rodríguez
Nacemento12 de decembro de 1963
Lugar de nacementoCidade de Panamá
NacionalidadePanamá
RelixiónIgrexa católica
Alma máter Instituto Tecnológico de Xeorxia
OcupaciónPolítico, enxeñeiro, empresario
CónxuxeLorena Castillo de Varela
PremiosOrder of Brilliant Star, honorary doctor of the Renmin University of China e Knight Grand Cross with Collar of the Order of Merit
Na rede
http://www.juancarlosvarela.com
Facebook: ValeraJC Twitter: jc_varela Editar o valor em Wikidata
editar datos en Wikidata ]

Juan Carlos Varela Rodríguez, nado en Cidade de Panamá o 12 de decembro de 1963, é un enxeñeiro, empresario e político panameño, que foi presidente de Panamá de 2014 a 2019.

Antes exercera os cargos de vicepresidente da República de Panamá, desde o 1 de xullo de 2009 até o 1 de xullo de 2014 e de ministro de Relacións Exteriores dende o 1 de xullo de 2009 até o 30 de agosto de 2011, ao ser destituído polo presidente Ricardo Martinelli, acto que provocou a ruptura da alianza gobernamental entre o Partido Panameñista, presidido por Varela e Cambio Democrático, presidido por Martinelli.

Tras as eleccións presidenciais do 4 de maio de 2014, foi elixido presidente de Panamá por parte da alianza entre o Partido Panameñista e o Partido Popular.[1]

Traxectoria[editar | editar a fonte]

Posúe ascendencia galega, xa que o seu avó José Varela Blanco, emigrou a Panamá en 1896 e era orixinario de Bergondo na provincia da Coruña.[2][3][4] Ten tamén raíces familiares na provincia de Herrera.[5] Cursou estudos de primaria e secundaria no Colegio Javier. Os seus estudos universitarios realizounos no Instituto de Tecnoloxía de Xeorxia, en Estados Unidos, onde obtivo o título (BSc) de Enxeñeiro Industrial.

É empresario do sector privado e desempeñouse como directivo desde 1985 do grupo Varela do que foi vicepresidente executivo até xaneiro de 2008.[5] Dende o sector privado, Varela apoiou proxectos sociais, de cultura, de deporte, educativos, folclóricos e do medio ambiente, a través da empresa Varela Hermanos S. A.[5]

Iniciouse no panameñismo dende moi novo, cando aos 14 anos acompañou ao seu pai a traballar na provincia de Chiriquí, participando en xiras de organización do Movemento Panameñista en 1977, coa apertura democrática que se deu para a firma dos Tratados Torrijos-Carter.[5]

Participou na campaña presidencial de 1984 con Arnulfo Arias Madrid e na de 1989 co presidente Guillermo Endara. Foi un dos coordinadores da campaña presidencial de Alberto Vallarino en 1999, candidato á Presidencia por unha alianza de partidos políticos liderada pola Democracia Cristiá, opóndose á candidatura de Mireya Moscoso, polo Partido Arnulfista.[5] Participou como director nacional do Partido Arnulfista de 1992 a 1999. No 2004 axudou na coordinación de campañas de varios deputados, alcaldes e representantes, moitos dos cales foron electos e con eles iniciou un movemento de renovación no Partido Panameñista.[5]

O presidente Ricardo Martinelli anunciara publicamente que Juan Carlos Varela era o candidato presidencial da alianza gobernamental para as eleccións de 2014. Con todo, Martinelli retractouse e logo de disputas entre membros dos partidos Cambio Democrático e Panameñista, Varela foi destituído do seu cargo de ministro o 30 de agosto de 2011 por Martinelli, provocando o final da alianza gobernamental e a renuncia dos membros do panameñismo no goberno.

Eleccións de 2014[editar | editar a fonte]

O 17 de marzo de 2013, converteuse en candidato oficial á Presidencia da República polo Partido Panameñista tras obter máis do 99 % dos votos nas primarias do partido.

O 25 de agosto Varela foi proclamado candidato da Alianza “El Pueblo Primero”, formada polo Partido Panameñista e o Partido Popular co apoio do movemento político “Los Gallos de Verdad”, persoas disidentes do Partido MOLIRENA e sectores independentes do país.[6]

O 4 de maio de 2014 obtivo a vitoria nas eleccións presidenciais ao vencer ao candidato oficialista José Domingo Arias cun 39 % dos votos emitidos. Asumiu o cargo de presidente de Panamá o 1 de xullo sucedendo a Ricardo Martinelli.[7]

Vida privada[editar | editar a fonte]

Está casado coa xornalista Lorena Castillo García e ten tres fillos: Gian Carlo, Adrián e Stefan.[5]

Distincións[editar | editar a fonte]


Presidente de Panamá

Segue a:
Ricardo Martinelli
Juan Carlos Varela
Precede a:
Laureano Cortizo
Partido Panameñista
Vicepresidente de Panamá

Segue a:
Samuel Lewis Navarro
Juan Carlos Varela
Precede a:
Isabel Saint Malo
Partido Panameñista
Ministro de Relacións Exteriores de Panamá

Segue a:
Samuel Lewis Navarro
Juan Carlos Varela
Precede a:
Roberto Henríquez
Partido Panameñista

Notas[editar | editar a fonte]

  1. "Tribunal Electoral: Juan Carlos Varela gana presidencia de Panamá" (en castelán). 4 de maio de 2014. Arquivado dende o orixinal o 01 de xuño de 2020. Consultado o 13 de maio de 2019. 
  2. "Ascendencia gallega del presidente panameño" (en castelán). 30 de xaneiro de 2019. Consultado o 13 de maio de 2019. 
  3. ""Vengo a visitar mis raíces"". La Opinión de A Coruña (en castelán). 7 de setembro de 2014. Consultado o 13 de maio de 2019. 
  4. "El presidente de Panamá se reencuentra con sus raíces en su visita a España". El Ideal Gallego (en castelán). 6 de setembro de 2014. Consultado o 13 de maio de 2019. 
  5. 5,0 5,1 5,2 5,3 5,4 5,5 5,6 "Biografía de Juan Carlos Varela" (en castelán). 3 de xullo de 2009. Consultado o 13 de maio de 2019. 
  6. Archibold, Randal C. (4 de maio de 2014). "Incumbent’s Party Loses Presidency in Panama". The New York Times (en inglés). Consultado o 13 de maio de 2019. 
  7. "Juan Carlos Varela toma posesión de la presidencia de Panamá". CNN (en castelán). 1 de xullo de 2014. Consultado o 13 de maio de 2019. 
  8. "The Grand Master’s State Visit to Panama" (en inglés). 24 de febreiro de 2016. Arquivado dende o orixinal o 01 de xuño de 2020. Consultado o 13 de maio de 2019. 

Véxase tamén[editar | editar a fonte]

Ligazóns externas[editar | editar a fonte]