Jovino González
| Biografía | |
|---|---|
| Nacemento | 16 de outubro de 1975  (48 anos)Vigo, España |
| Datos persoais | |
| País de nacionalidade | España |
| Actividade | |
| Ocupación | piragüista |
| Lingua | Lingua castelá |
| Deporte | piragüismo |
| Participou en | |
| 2000 | Xogos Olímpicos de 2000 |
| 1996 | Xogos Olímpicos de 1996 |
Jovino González Comesaña, nado en Vigo o 16 de outubro de 1975, é un ex-piragüista galego, que competía na modalidade de augas tranquilas. Participou en dous Xogos Olímpicos, sendo o seu mellor resultado o quinto posto na proba de K-4 1000 m en Atlanta 1996.
Traxectoria[editar | editar a fonte]
Comezou a destacar no piragüismo dende as categorías inferiores, ao igual que a súa irmá Marián, e en 1994 dispuotu en Xochimilco o seu primeiro Campionato Mundial, rematando en oitava posición no K4 500 metros.[1][2] En 1995 proclamouse campión de España en K1 200 m, e logrou clasificarse para os Xogos Olímpicos de 1996 en Atlanta, en dúas probas diferentes: K2 500 e K4 1000. Conseguiu meterse nas finais olímpicas do K4 e volveu á casa cun diploma olímpico (5º posto).[3]
Nos Xogos Olímpicos de 2000 participou no K1 500m, meténdose na final e conseguindo o seu segundo diploma. Na mesma distancia, en 2002 conseguiu un bronce no Campionato de Europa celebrado en Szeged, e dous anos despois repetiu metal no K1 1000 metros en Poznan.[5]
Logrou a clasificación tamén para os Xogos Olímpicos de 2004 en Atenas, no K1 1000 metros, pero pouco antes do comezo dos Xogos, foi expulsado do equipo español por dar positivo por EPO nun control antidopaxe.[6] Foi sancionado durante dous anos e regresou á competición en 2006.[7] Ao ano seguinte regresou ao Campionato de Europa, onde conseguiu meterse na final, e repetiu participación tamén en 2008 e 2009.
Palmarés internacional[editar | editar a fonte]
| Campionato Europeo | |||
|---|---|---|---|
| Ano | Lugar | Medalla | Evento |
| 2002 |  Szeged
|
 Bronce
|
K1 500m |
| 2004 |  Poznan
|
Bronce
|
K1 1000m |
Notas[editar | editar a fonte]
- ↑ "Jovino González debuta hoy en el campeonato del mundo". La Voz de Galicia (en castelán) (Pontevedra ed.). 21 de setembro de 1994. p. 44.
- ↑ "Diez centésimas separaron a David Mascato del bronce mundial". La Voz de Galicia (en castelán). 25 de setembro de 1994. p. 56.
- ↑ "Resultados Atlanta 1996" (PDF). la84foundation.org (en inglés). Arquivado dende o orixinal (PDF) o 27 de setembro de 2007. Consultado o 12 de agosto de 2021.
- ↑ "Vigo rende homenaxe aos seus olímpicos e paralímpicos cun monumento". VigoÉ. 13/10/2016.
- ↑ "Jovino González". canoeresults.eu (en inglés). Consultado o 12 de agosto de 2021.
- ↑ "Expulsado un piragüista del equipo olímpico español por dar positivo en un control". ABC (en castelán). 9 de agosto de 2004. Consultado o 12 de agosto de 2021.
- ↑ Ferreiro, Mariluz (26 de xuño de 2007). "«En una competición así, ves que has perdido dos años que no recuperarás»". La Voz de Galicia (en castelán). Consultado o 12 de agosto de 2021.
Véxase tamén[editar | editar a fonte]
Ligazóns externas[editar | editar a fonte]
- Datos do piragüista en sports-reference.com (en inglés).
- Datos do piragüista no sitio web oficial do Comité Olímpico Internacional (en inglés).
| Control de autoridades |
|
|---|
