José Meijón
| Biografía | |
|---|---|
| Nacemento | 1899  Marín, España |
| Morte | 1980 (80/81 anos) Marín, España |
| Actividade | |
| Ocupación | canteiro, escultor |
José Meijón Area, coñecido como Pepe Meijón, nado en Marín en 1899 e finado no mesmo concello en 1980, foi un canteiro e escultor galego.
Traxectoria
[editar | editar a fonte]En 1913 participou nos exploradores de Marín. Estudou na Escola Nocturna de Cultura Obreira apoiada polas Sociedades Obreiras, onde obtivo o segundo premio ao mellor canteiro da súa promoción en 1929. Afiliouse á agrupación local do PSOE de Marín en 1931. Ao parecer comezou a perder a cabeza cando volvera de facer o servizo militar. Estivo ingresado un tempo no sanatorio de Conxo, de onde escapou e volveu camiñando ata Marín.
Pasaba os días no monte, no camposanto ou preto da costa e gravaba nas laxes. Neopetroglifeiro, esculpía a pedra, escribindo e debuxando siluetas. Nos seus gravados hai mensaxes relixiosas, apocalípticas e referencias a Franco e á Falange; tamén animais, elementos cósmicos e esvásticas. Deixou un enorme legado artístico por diferentes puntos de Marín.
Véxase tamén
[editar | editar a fonte]Bibliografía
[editar | editar a fonte]- Labrador Méndez, Germán (Abril, maio, xuño 2019). "Que traballo común é a memoria. Arte e resistencia na Galiza de posguerra: unha introdución ao caso José Meijón". Grial LVII (222): 34–53.