Josephine Hull

Josephine Hull
Nome completo	Mary Josephine Sherwood
Nacemento	3 de xaneiro de 1877
Lugar	Newtonville, Massachusetts
Falecemento	12 de marzo de 1957 (80 anos)
Lugar	Nova York
Causa	hemorraxia cerebral
Nacionalidade	Estados Unidos
Educada en	Radcliffe College, Universidade Harvard e Conservatório de Música da Nova Inglaterra
Cónxuxe(s)	Shelly Hull (1910-1919)
Profesión	Actriz e directora
Premios Premios Óscar Mellor actriz secundaria 1950 - Harvey Globos de Ouro Mellor actriz secundaria 1950 - Harvey
Na rede
[ editar datos en Wikidata ]

Mary Josephine Sherwood, nada en Newtonville (Massachusetts) o 3 de xaneiro de 1877 e finada en Nova York o 12 de marzo de 1957 foi unha actriz e directora de teatro estadounidense coñecida como Josephine Hull.

Traxectoria

Hull naceu en Massachusetts en 1877. Porén anos máis tarde quitouse anos.

Debutou como actriz en 1905 e tras anos como moza do coro casou co actor Shelly Hull en 1910. Trala temperá morte do seu marido retirouse ata 1923. Ao volver á interpretación comezou a empregar o seu nome de casada. O seu primeiro grande éxito foi Craig's Wife en 1926. Durante as décadas seguintes apareceu en tres grandes éxitos de Broadway, You Can't Take It With You (1936), Arsenic and Old Lace (1941) e Harvey (1944). Apareceu tamén nas adaptacións cinematográficas destas dúas últimas obras, gañando o Oscar á mellor actriz secundaria por Harvey.

Filmografía

Ano	Filme
1929	The Bishop's Candlesticks
1932	Careless Lady
	After Tomorrow
1944	Arsenic and Old Lace
1950	Harvey
1951	The Lady from Texas

Véxase tamén

Bibliografía

• Carson, William Glasgow Bruce, Dear Josephine, the Theatrical Career of Josephine Hull, Norman: University of Oklahoma Press, 1963

Ligazóns externas

• / Josephine Hull na IMDb (en inglés).
• Papers, 1871-1957. Schlesinger Library, Radcliffe Institute, Harvard University.