Joseba Asirón

Na Galipedia, a Wikipedia en galego.
Saltar ata a navegación Saltar á procura
Joseba Asirón
Joseba Asirón

Escudo de Pamplona (Líneas estilizadas).svg
Alcalde de Pamplona
13 de xuño de 2015 – 15 de xuño de 2019
Precedido por Enrique Maya
Sucedido por Enrique Maya

Datos persoais
Nacemento 14 de abril de 1962
Pamplona, España España
Partido Euskal Herria Bildu

Joseba Asirón Sáez, nado en Pamplona o 14 de abril de 1962, é un historiador, profesor de ikastola e político navarro, alcalde de Pamplona pola coalición Euskal Herria Bildu desde 13 de xuño de 2015 ata o 15 de xuño de 2019.

Traxectoria[editar | editar a fonte]

Naceu en Pamplona o 14 de abril de 1962, enriba da famosa Churrería da Mañueta. É licenciado en Historia da Arte pola Universidade de Zaragoza (1989) e doutor nesta materia pola Universidade de Navarra (2009) cunha tese sobre as torres de liñaxe, casas forte e pazos de cabo de armaría na Navarra medieval. É, ademais, profesor da ikastola San Fermín, na localidade de Zizur Menor, desde 1991. Está casado e é pai dunha filla e un fillo.

Presentouse como cabeza de lista de Euskal Herria Bildu á alcaldía de Pamplona nas eleccións municipais de 2015, nas cales a súa formación resultou a segunda forza máis votada tras UPN, que optaba á reelección de alcalde con Enrique Maya. Un pacto de investidura cuatripartito entre Geroa Bai, Aranzadi - Iruñea Denon Artean - Pamplona En Común (marca de Podemos) e Izquierda-Ezkerra (marca de IU)[1] outorgoulle o bastón de mando municipal na constitución do Concello o 13 de xuño de 2015, nunha votación na que Asirón obtivo 14 votos, Enrique Maya logrou 10 apoios, mentres que a socialista Maite Esporrín logrou 3 apoios.[2] Converteuse así no primeiro alcalde da esquerda abertzale na capital de Navarra, tras arrebatar a alcaldía a Unión del Pueblo Navarro (UPN) que gobernaba a cidade desde 1999, con Yolanda Barcina, primeiro, e Enrique Maya, despois.

Tras a súa investidura como novo alcalde, en declaracións aos medios, fixo alusión ao Privilexio da Unión (1423) que unificou os tres burgos de Pamplona no século XV, desexando que o seu mandato permitise "superar os fosos e as murallas que nos separaron".[3] Finalmente, concluíu recordando a frase que, en latín, aparece no lintel interior da porta 11 de acceso ao Concello de Pamplona: "A porta está aberta para todos, pero sobre todo o corazón" ("Patet omnibus jauna, cor valde magis").

Notas[editar | editar a fonte]

  1. Diario de Noticias (ed.). "EH Bildu, Geroa Bai, Aranzadi e I-E pechan o acordo para que Asiron sexa o novo alcalde de Pamplona". Arquivado dende o orixinal o 04 de marzo de 2016. Consultado o 11 de xuño de 2015. 
  2. Naiz (ed.). "O abertzale Joseba Asiron, proclamado alcalde de Iruñea por maioría absoluta". Consultado o 13 de xuño de 2015. 
  3. Ayuntamiento de Pamplona (ed.). "Joseba Asirón (EH Bildu), eleito novo alcalde de Pamplona no pleno celebrado esta mañá no Concello". Arquivado dende o orixinal o 15 de xuño de 2015. Consultado o 13 de xuño de 2015. 

Véxase tamén[editar | editar a fonte]

Ligazóns externas[editar | editar a fonte]

Predecesor:
Enrique Maya
Escudo de Pamplona (Líneas estilizadas).svg
Alcalde de Pamplona

13 de xuño de 2015 - 15 de xuño de 2019
Sucesor:
Enrique Maya