José Sócrates

Na Galipedia, a Wikipedia en galego.
José Sócrates
Josesocrates2006.jpg
José Socrates
Datos persoais
Nacemento 6 de setembro de 1957
Lugar Vilar de Maçada
Organización Partido Socialista
Profesión Enxeñeiro civil

José Sócrates Carvalho Pinto de Sousa, nado en Vilar de Maçada (Alijó) o 6 de setembro de 1957, é un político portugués, secretario xeral do Partido Socialista e primeiro ministro de Portugal dende o 12 de marzo do 2005, na actualidade en funcións. José Sócrates é membro do Partido Socialista dende 1981 e membro da Asemblea da República dende 1987. En 1995, formou parte do primeiro goberno de António Guterres como secretario de estado do ambiente e dous anos despois, Sócrates foi nomeado ministro de xuventude e deportes, sendo así un dos organizadores da Eurocopa 2004 en Portugal. Entre 1999 e 2001 foi ministro de ambiente do goberno de Guterres. Trala dimisión de Ferro Rodrigues como líder do partido no 2004, Sócrates gañou as eleccións cun 80% do apoio do partido.

En 2009 conseguiu unha vitoria nas eleccións lexislativas, se ben perdeu unha parte importante de votos e de escanos.

O 23 de marzo de 2011 presentou a súa dimisión, logo de que o seu plan económico fose rexeitado por todos os demais partidos do Parlamento portugués, onde o PSP non tiña a maioría absoluta.