José Romero Carreira
Biografía | |
---|---|
Nacemento | 1917 Solbeira, España |
Morte | 16 de marzo de 1992 (74/75 anos) Madrid, España |
Datos persoais | |
País de nacionalidade | España |
Actividade | |
Ocupación | piloto de guerra , tradutor |
Lingua | Lingua castelá |
José Romero Carreira, nado en Solbeira (Paderne de Allariz) en 1917 e finado en Madrid o 16 de marzo de 1992, foi un aviador militar e intérprete galego.
Traxectoria[editar | editar a fonte]
Dirixente de UGT en Ourense. Na guerra civil española alistouse no Partido Comunista e foi comisario político do V Rexemento. Foi enviado polo goberno da República á URSS a formarse como piloto de aviación,[1] e combateu contra os alemáns na segunda guerra mundial. Estivo interno nun campo de concentración da URSS, e en 1952 foi xulgado por sumarse a unha folga de fame. Foi liberado en 1954, e embarcou no buque Semiramis dende o porto de Odesa xunto a membros da División Azul.
Regresou a Galicia e marchou vivir a Madrid onde se fixo intérprete nunha axencia de viaxes.[2] Logo foi funcionario do Instituto Nacional de Previsión. Finou en Madrid o 16 de marzo de 1992.[3]
Vida persoal[editar | editar a fonte]
Casou con Pilar e foi pai de María Pilar Romero.
Notas[editar | editar a fonte]
- ↑ Tereixa Constenla (13 de setembro de 2010). "Aterrizaje forzoso en el gulag". El País (en castelán).
- ↑ Carmen Villar (12 de decembro de 2010). "El cautiverio de un gallego en el gulag". Faro de Vigo (en castelán).
- ↑ Necrolóxica en ABC, 22-3-1992, p. 111.
Véxase tamén[editar | editar a fonte]
Bibliografía[editar | editar a fonte]
- Calvo Jung, C. (2010). Los últimos aviadores de la República. La cuarta expedición a Kirovabad. Ministerio de Defensa de España.
- Iordache Cârstea, Luiza (2019). "Telas de súplica por la libertad. Cartas desde Karlag (URSS)". Vegueta. Anuario de la Facultad de Geografía e Historia (19): 73–93.
Ligazóns externas[editar | editar a fonte]
- José Romero Carreira na páxina web Nomes e Voces.