Xosé Rodríguez González

Na Galipedia, a Wikipedia en galego.
(Redirixido desde "José Rodríguez González")
Saltar ata a navegación Saltar á busca
Xosé Rodríguez González
Nacemento 25 de outubro de 1770
  Bermés, Bermés, Lalín
Falecemento 30 de setembro de 1824
  Santiago de Compostela
Nacionalidade España
Educado en Universidade de Santiago de Compostela
Ocupación matemático
editar datos en Wikidata ]

Xosé Rodríguez González, tamén coñecido como Matemático Rodríguez ou o Matemático de Bermés, nado en Bermés (Lalín) o 25 de outubro de 1770 e finado en Santiago de Compostela o 30 de setembro de 1824[1], foi un científico galego da Ilustración e político liberal.

Traxectoria[editar | editar a fonte]

Busto de Xosé Rodríguez González en Bermés.

Nado no seo dunha familia de labregos. Grazas á axuda dun tío sacerdote logrou cursar estudos cos xesuítas de Monforte de Lemos e na Universidade de Santiago de Compostela. Aos 28 anos acadou a cátedra de Matemáticas e realizou frecuentes viaxes por Europa para intercambiar coñecementos e ampliar estudos, entrou en contacto cos traballos dos grandes científicos da época: Laplace, Arago...

Nesta época participou con François Arago no estudo da triangulación do meridiano entre Dunquerque e Barcelona, traballou para a coroa británica nunhas medicións xeodésicas no Pacífico e impartiu cursos na universidade alemá de Gottinga. Foi profesor de Astronomía, creador da sección de Mineraloxía do Museo Nacional de Ciencias Naturais de España, así mesmo, foi director do Observatorio Astronómico de Madrid. O tsar Alexandre ofreceulle a posibilidade de dirixir o observatorio de San Petersburgo, invitación que rexeitou.

Durante a invasión francesa foi comisionado da Xunta Central para trazar un mapa da Península e fixar un sistema máis exacto de Pesas e Medidas.

Foi deputado no Congreso polo Reino de Galicia (1820-1822). Coa volta do poder absolutista foi marxinado e considerado como afrancesado.

Notas[editar | editar a fonte]

  1. "Una efeméride" en El Eco de Santiago, 28-10-1914, p. 2.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]