José Ramón Barral

José Ramón Barral
Alcume	Nené
Nacemento	anos 1930
Lugar de nacemento	Ribadumia
Nacionalidade	España
Ocupación	político, contrabandista e empresario
[ editar datos en Wikidata ]

José Ramón Barral Martínez, Nené, é un político e contrabandista galego.

Traxectoria

Socio, con Vicente Otero Pérez, dun concesionario de automóbiles. Foi, durante 18 anos, alcalde do concello pontevedrés de Ribadumia polo PPdeG.

Foi elixido alcalde tralas municipais de 1983, encabezando Alianza Popular e logrando a maioría absoluta. Revalidou dita maioría en 1987, 1991, 1995 e 1999. En outubro de 1998 anunciouse a súa retirada da carreira electoral en favor de Rafael Louzán. Porén, en abril de 1999 deu marcha atrás volvendo a encabezar a candidatura con Louzán de número 2.

Dimitiu en 2001 despois de ser detido, o 14 de maio, por contrabando de tabaco. Foi substituído na alcaldía por Salomé Peña Muñiz, número 3 da candidatura popular, e foi expulsado da formación política. Nas municipais de 2003 encabezou ós Independentes por Ribadumia, que logrou empatar a 5 concelleiros co PPdeG encabezado pola súa sucesora, e quedando a tan só 2 votos de gañarlle, fronte a un só do BNG, continuando Peña na alcaldía trala abstención do edil nacionalista. Volveu concorrer ás municipais de 2007, pero nesta ocasión o PPdeG logrou un resultado máis contundente e logrou a maioría absoluta. De cara a 2011 Indepedentes non se presentou, tras unha escasa actividade ao largo da anterior lexislatura, aínda que volveu en 2015 encabezado por David Castro Mougán, sen unha influencia visible da Barral, e logrou a alcaldía grazas ao apoio dos grupos de esquerda.

Predecesor: Dolores Abuín Martínez

Alcalde de Ribadumia  1983 - 2001

Sucesor: Salomé Peña

Véxase tamén

Outros artigos

• Eleccións municipais en Ribadumia