José Quiroga Pérez de Deza
José Quiroga Pérez de Deza | |
---|---|
Nacemento | 1848 |
Lugar de nacemento | Banga |
Falecemento | 12 de novembro de 1912 |
Lugar de falecemento | O Carballiño |
Nacionalidade | España |
Alma máter | Universidade de Santiago de Compostela |
Ocupación | avogado |
Pai | Pedro Antonio Quiroga |
Cónxuxe | Emilia Pardo Bazán |
Fillos | Carmen Quiroga Pardo Bazán, Nieves Quiroga Pardo Bazán e Jaime Quiroga Pardo Bazán |
Irmáns | Eduardo Quiroga Pérez |
[ editar datos en Wikidata ] | |
José Fernando Quiroga Pérez de Deza, nado en Banga (O Carballiño) en 1848 e finado no Carballiño o 12 de novembro de 1912[1], foi un avogado galego, marido de Emilia Pardo Bazán.
Traxectoria[editar | editar a fonte]
Fillo de Pedro Antonio Quiroga e irmán de Eduardo Quiroga Pérez. Estudante de Dereito, licenciouse en Dereito Civil e Canónico pola Universidade de Santiago de Compostela. Casou con Emilia Pardo Bazán o 10 de xullo de 1868 na capela da granxa de Meirás. Tiveron tres fillos: Jaime, María de las Nieves e Carmen. En 1869 a familia trasládase a Madrid cando o seu sogro José Pardo Bazán foi elixido deputado nas Cortes.
Separado da súa muller, promoveu e construíu no castelo de Santa Cruz un pazo para vivenda, compartindo a súa residencia entre o pazo de Banga e o castelo. Herdou todo o patrimonio e rendas a súa filla María de las Nieves (ou familiarmente Blanca), casada con José Cavalcanti.
Foi presidente do Circo de Artesanos da Coruña[1].
Notas[editar | editar a fonte]
- ↑ 1,0 1,1 Necrolóxica en El Noroeste, 13-11-1912, p. 2.