José Luis Torres Colomer

José Luis Torres Colomer
	;
Biografía
Nacemento	22 de agosto de 1942 (81 anos); Ribeira, España
Alcalde de Ribeira
Presidente da Deputación da Coruña
Datos persoais
País de nacionalidade	España
Actividade
Ocupación	político
Partido político	Partido Popular
Membro de	Partido Popular de Galicia
Lingua	Lingua castelá

José Luis Ramón Torres Colomer, nado en Ribeira o 22 de agosto de 1942, é un político galego.

Traxectoria[editar | editar a fonte]

Foi mariño mercante. Vinculado a UCD, foi Director Xeral de Pesca e Marisqueo (1978-1982) da Xunta de Galicia preautonómica. Foi candidato de UCD nas Eleccións ao Parlamento de Galicia de 1981 e asumiu a acta de deputado trala renuncia dun compañeiro en febreiro de 1982. Pasou a formar parte do PDP despois da disolución de UCD en febreiro de 1983. En outubro de 1983 foi nomeado Director Xeral de Cultivos Mariños da Xunta de Galicia, manténdose ata 1985. Volveu a ser elixido deputado no Parlamento de Galicia nas listas de Coalición Popular nas Eleccións ao Parlamento de Galicia de 1985. Foi elixido concelleiro en Ribeira en 1987 encabezando a candidatura da CPG, sendo tenente de alcalde en coalición con AP e CDS. Foi elixido de novo deputado autonómico, xa polo Partido Popular, tralas Eleccións ao Parlamento de Galicia de 1989, onde se mantivo ata 1991 ao ser elixido alcalde de Ribeira con maioría absoluta. Revalidou a alcaldía con maioría absoluta nas sucesivas eleccións ata que renunciou a presentarse como candidato nas Eleccións municipais de 2011, sendo substituído como candidato e, posteriormente, como alcalde por Manuel Ruiz Rivas^[1]. Ostentou varios cargos na Mancomunidade Arousa-Norte da que foi presidente en diversas ocasións de forma rotatoria cos demais alcaldes da comarca.

Foi Presidente da Federación Galega de Municipios e Provincias de 1992 a 1995. Foi deputado na Deputación da Coruña de 1995 a 2007, sendo Vicepresidente de 1995 a 1999, e Presidente de 1999 a 2003. Foi elixido senador pola provincia da Coruña nas Xerais de 2008, sendo reelixido en 2011, 2015 e 2016, ata a súa retirada das listas en 2019.

Notas[editar | editar a fonte]

↑ "Ruiz Rivas, candidato del PP en Ribeira tras la renuncia de Colomer". Xornal.com (en castelán). 10/02/2011. Arquivado dende o orixinal o 13/02/2011. Consultado o 11/02/2011.

Véxase tamén[editar | editar a fonte]

Bibliografía[editar | editar a fonte]

Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. ISBN 84-8064-113-4.

Outros artigos[editar | editar a fonte]

Ligazóns externas[editar | editar a fonte]

Ficha no Senado

Predecesor: Ricardo Pérez Queiruga	Alcalde de Ribeira 1991−2011	Sucesor: Manuel Ruiz Rivas
Predecesor: José Castro Álvarez	Presidente da Fegamp 1992−1995	Sucesor: Julio Álvarez Núñez
Predecesor: Augusto César Lendoiro	Presidente da Deputación da Coruña 1999−2003	Sucesor: Salvador Fernández Moreda

[1] "Ruiz Rivas, candidato del PP en Ribeira tras la renuncia de Colomer". Xornal.com (en castelán). 10/02/2011. Arquivado dende o orixinal o 13/02/2011. Consultado o 11/02/2011.

[1]