Joselu Gómez
| Joselu | |||
|---|---|---|---|
 | |||
| Información persoal | |||
| Nome | José Luis Gómez Pérez | ||
| Nacemento | 10 de xuño de 1987 | ||
| Lugar de nacemento | Palmeira | ||
| Altura | 1,82 m. | ||
| Posición | Dianteiro | ||
| Carreira xuvenil | |||
| Celta de Vigo | |||
| Carreira sénior | |||
| Anos | Equipos | Aprs | (Gls) |
| 2004–2008 | Celta B | 61 | (4) |
| 2008–2009 | Lorca Deportiva | 5 | (0) |
| 2009 | Reus | ||
| 2009–2011 | Teruel | 8 | (0) |
| 2011–2012 | Cerceda | 52 | (23) |
| 2012–2014 | SD Compostela | 74 | (62) |
| 2014–2023 | Racing de Ferrol | 280 | (114) |
| Total | 480 | (203) | |
|
Partidos e goles só en liga doméstica. [ editar datos en Wikidata ] | |||
José Luis Gómez Pérez, coñecido como Joselu, nado en Palmeira (Ribeira) o 10 de xuño de 1987, é un exfutbolista galego, que xogaba de dianteiro. É, con 119 goles, o máximo goleador da historia do Racing de Ferrol, club no que militou durante nove tempadas (2014-2023) e ao que chegou despois de marcar 62 goles en dous anos co Compostela.
Traxectoria[editar | editar a fonte]
Formado na canteira do do Celta de Vigo, en 2004 entrou a formar parte do cadro do Celta B, onde non conseguiu a titularidade, fronte a outros dianteiros como Goran Marić ou Iago Aspas.
No verán de 2008 fichou polo Lorca Deportiva.[1] Despois de non ter moitas oportunidades, disputando só cinco partidos, no mercado invernal marchou ao CF Reus Deportiu, de Terceira División. Co Reus non chegou a un acordo para a súa renovación ao remate de tempada, fichando finalmente polo CD Teruel para a tempada 2009/10, da man do seu adestrador no Reus, Ramón Calderé.[2] Co club turolense acadou o ascenso á Segunda División B. Renovou unha tempada máis no CD Teruel e no mercado invernal da tempada 2010-2011 fichou polo Cerceda,[3] co que xogou o que restaba de tempada e outra máis, anotando na segunda delas 20 goles.[4] En xullo de 2011 marcou o seu primeiro gol na Copa do Rei, na vitoria por 2-0 fronte ao CD Tenerife.[5]
En 2012 chegou á SD Compostela,[6] debutando na primeira xornada de liga, e anotando 4 goles no seu primeiro partido en San Lázaro, fronte ao Deportivo Dorneda CF.[7] Acabou con 32 goles a súa primeira tempada en Santiago, 5 deles nos play-offs, contribuíndo de xeito destacado ao ascenso do equipo á Segunda División B. Foi o máximo goleador do Grupo I da Terceira, con 26 goles, 5 máis que Manu Barreiro e Luis Fernández. Na súa segunda campaña marcou 30 goles en 32 partidos, proclamándose como o máximo goleador dos catro grupos da Segunda B.
En 2014 fichou polo Racing de Ferrol. Na súa segunda tempada no club ferrolán foi o máximo goleador do seu grupo da Segunda B, con 20 tantos. Durante os seguintes anos foi engrosando a súa conta anotadora, superando os 109 goles de Pablo Rey e desbancándoo como o máximo goleador da historia do club.[8] O 17 de decembro de 2022 marcou o seu 119º e derradeiro gol co Racing de Ferrol, retirándose ao remate da tempada 2022/23, o día do seu 36º aniversario, despois de acadar o ascenso á Segunda División.[9]
Palmarés[editar | editar a fonte]
- Racing de Ferrol
Notas[editar | editar a fonte]
- ↑ "Tras Oprita, los próximos en llegar serán Iñaki y Joselu". Diario As (en castelán). 13 de agosto de 2008. Consultado o 7 de decembro de 2020.
- ↑ "Teruel: firma Joselu" (en castelán). 15 de xullo de 2009. Arquivado dende o orixinal o 10 de febreiro de 2021. Consultado o 4 de abril de 2022.
- ↑ Ferreiro, José M. (12 de xaneiro de 2011). "El ribeirense Joselu ficha por el Cerceda para subir a Segunda B" (en castelán). Consultado o 7 de decembro de 2020.
- ↑ "El Teruel asciende a Segunda División B tras 19 años al ganar al Noja (2-1)". Aragón Digital (en castelán). Consultado o 7 de decembro de 2020.
- ↑ Ferreiro, José M. (1 de setembro de 2011). "El Cerceda barre al Tenerife con una lección táctica". La Voz de Galicia (en castelán). Consultado o 7 de decembro de 2020.
- ↑ "Joselu ficha por el compos y Rendo tambien" (en castelán). 28 de xuño de 2012. Consultado o 7 de decembro de 2020.
- ↑ "El Compos se estrena con goleada en San Lázaro" (en castelán). Consultado o 7 de decembro de 2020.
- ↑ "Joselu Gómez hace historia en el Racing de Ferrol". Marca (en castelán). 3 de abril de 2022. Consultado o 4 de abril de 2022.
- ↑ Quijano, Juan (13 de xuño de 2023). "Joselu Gómez : “Estaré eternamente agradecido”" (en castelán). Consultado o 13 de xuño de 2023.
