José Luis Méndez García

Na Galipedia, a Wikipedia en galego.
(Redirección desde «José Luís Méndez García»)
Infotaula de personaJosé Luis Méndez García
Nome orixinal(es) José Méndez Editar o valor em Wikidata
Biografía
Nacemento9 de maio de 1937 Editar o valor em Wikidata
Pontevedra, España Editar o valor em Wikidata
Morte8 de xaneiro de 2021 Editar o valor em Wikidata (83 anos)
Datos persoais
País de nacionalidadeEspaña Editar o valor em Wikidata
Actividade
Ocupaciónremeiro Editar o valor em Wikidata
LinguaLingua castelá Editar o valor em Wikidata
DeporteRemo Editar o valor em Wikidata
Participou en
1960rowing at the 1960 Summer Olympics – men's coxed four (en) Traducir Editar o valor em Wikidata

José Luis Méndez García, nado en Pontevedra o 9 de maio de 1937 e finado o 8 de xaneiro de 2021,[1] foi un remeiro e adestrador galego, que competiu nos Xogos Olímpicos de 1960 en Roma.

Traxectoria[editar | editar a fonte]

A cidade de Vigo ós seus atletas.[2]

Foi remeiro do Real Club Náutico de Vigo e en 1960, despois de proclamarse campión de España no Lago de Banyoles, foi seleccionado para disputar os Xogos Olímpicos de Roma.[3] Participou na proba de catro con temoneiro, celebrada no Lago Albano, xunto aos seus compañeiros do Náutico Franco Cobas, Emilio García Bengoechea e Alberto Valtierra, con Armando González como temoneiro. Remataron de últimos tanto na súa manga dos cuartos de final, como na da repesca, sendo o ouro para o Equipo Alemán Unificado.[4]

Despois dos Xogos, viviu durante anos en Francia, onde continuou practicando remo. Posteriormente foi adestrador no Centro Galego de Tecnificación Deportiva, na selección española de remo, e en numerosos clubs como o Liceo Marítimo de Bouzas, a SD Samertolaméu, a SD Tirán, o SC Caminhense ou o Club de Mar de Castropol.[5] Ademais foi preparador da selección de remo de Venezuela para os Xogos Suramericanos de 1970 e o xefe do equipo español de remo nos Xogos Olímpicos de 1992 en Barcelona, onde tamén trasportou a lapa olímpica. Foi cofundador e profesor da Escola de Adestradores da Federación Española de Remo, vicepresidente da propia Federación e cofundador da Asociación de Galegos Olímpicos.[5]

En 1974 fundou o Club Remo do Miño de Tui, do que foi presidente, adestrador, delegado, e ata a súa morte, presidente honorífico.[6]

Recoñecementos[editar | editar a fonte]

En 2013 foi galardoado pola Xunta de Galicia coa Distinción ao Mérito Deportivo, pola súa promoción e fomento da educación física en Galicia.[7]

Notas[editar | editar a fonte]

  1. ↑ "Se marcha una leyenda : José Luis Méndez García" (en castelán). 9 de xaneiro de 2021. Consultado o 5 de agosto de 2021. 
  2. ↑ "Vigo rende homenaxe aos seus olímpicos e paralímpicos cun monumento". VigoÉ. 13/10/2016. 
  3. ↑ Cobas, Franco. "Nos ha dejado José Luis Méndez… uno de los pilares de cuando el Náutico de Vigo fue España" (en castelán). Consultado o 5 de agosto de 2021. 
  4. ↑ "Proba de catro con temoneiro dos Xogos Olímpicos de 1960". olympedia.org (en inglés). Consultado o 5 de agosto de 2021. 
  5. ↑ 5,0 5,1 "“Guirgui” rema hacia el cielo". Faro de Vigo (en castelán). 10 de xaneiro de 2021. Consultado o 5 de agosto de 2021. 
  6. ↑ "Fallece José Luís Méndez: olímpico, exdirectivo del Náutico de Vigo e impulsor del remo en Tui" (en castelán). 9 de xaneiro de 2021. Consultado o 5 de agosto de 2021. 
  7. ↑ "Fallece José Luís Méndez, "impulsor del remo" en Galicia que participó en unos JJOO". Faro de Vigo (en castelán). 9 de xaneiro de 2021. Consultado o 5 de agosto de 2021. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=José_Luis_Méndez_García&oldid=6194787»