José Lemos Rodríguez

Na Galipedia, a Wikipedia en galego.
Saltar ata a navegación Saltar á procura
Pepe Lemos
Información persoal
Nome completo José Lemos Rodríguez
Nacemento 1 de febreiro de 1962 (57 anos)
Lugar Salvaterra de Miño, Galiza
Posición Defensa
Carreira xuvenil
Celta de Vigo B
Carreira sénior
Anos Equipos Aprs (Gls)
1979–1986 Celta de Vigo 149 (2)
1986–1992 Valladolid 165 (2)
1992 Porriño Industrial
Selección nacional
1988 España 1 (0)
* Partidos e goles só en liga doméstica.
† Aparicións (Goles)

José Lemos Rodríguez, máis coñecido como Pepe Lemos, nado en Salvaterra de Miño o 1 de febreiro de 1962, é un ex futbolista galego. Xogaba na demarcación de lateral dereito.

Traxectoria[editar | editar a fonte]

Formouse nas categorías inferiores do Celta de Vigo con cuxo primeiro equipo subiu, en 1979 con 17 anos, trala entrada en vigor da normativa segundo a cal era obrigatorio aliñar a dous xogadores sub-20 en cada encontro na Segunda División e divisións inferiores, e que permanecesen no campo a lo menos 15 minutos.

O debút oficial foi o 14 de outubro de 1979 en Castelló, con derrota por 1-0. Estreouse como goleador pouco despois ante o Getafe CF a centro do brasileiro Ademir. Rematou esa primeira tempada disputando un total de 22 encontros pero rematou co descenso a Segunda División B.

A seguinte foi unha gran tempada do Celta, que volveu a Segunda División da man do técnico Milorad Pavić e cun gran papel de Pepe Lemos.

A tempada 1981-82 consumábase o ascenso do club a Primeira División, debutando o xogador de Salvaterra o 5 de setembro de 1982 con 20 anos.

En 1986, despois de sete tempadas no Celta de Vigo, tempo no que pasou outros dous anos en Segunda División antes de recuperar a categoría, comprou a súa carta de liberdade tras consumarse un novo descenso do club olívico e fichou polo Real Valladolid

En Valladolid xogou seis tempadas, ao final das cales rematou xogando de lateral esquerdo.

Xogando no equipo pucelano foi convocado coa Selección española por Luis Suárez para o amigábel contra o Celta de Vigo en homenaxe a José Manuel Alvelo en Balaídos o 28 de decembro de 1988. Porén non se considera internacional xa que o encontro non se considera oficial ao ser contra un club

Tras deixar o Valladolid xogou no Porriño Industrial, club no que se retirou e ao que adestrou posteriormente

Na actualidade disputa a liga de Fútbol indoor co equipo de veteranos do Celta de Vigo.

Véxase tamén[editar | editar a fonte]

Ligazóns externas[editar | editar a fonte]