José Alemañy Menéndez
| Biografía | |
|---|---|
| Nacemento | 1910  Santiago de Cuba |
| Morte | 2002 (91/92 anos) Avilés, España |
| Datos persoais | |
| Outros nomes | Pepín |
| País de nacionalidade | Cuba España |
| Actividade | |
| Ocupación | político |
| Lingua | Lingua castelá |
José Alemañy Menéndez, coñecido como Pepín, nado en Santiago de Cuba en 1910 e finado en Avilés en 2002, foi un político galego.
Traxectoria[editar | editar a fonte]
De ascendencia ourensán, aos cinco anos regresou a Galicia e foi criado en Vigo onde estudou comercio. Colaborou co misioneiro anglicano Edmundo Woodfor. Militante do Partido Comunista, cando se produciu a golpe de Estado do 18 de xullo de 1936 estaba en Asturias. Encargouse con Luís Soto de organizar un grupo armado que intentou infrutuosamente regresar a Galicia para artellar os grupos de fuxidos. Combateu na fronte de Asturias, onde alcanzou o grao de capitán. Exiliouse en Francia e despois o seu pasaporte cubano permitiulle asentarse en Camagüey e logo na Habana. Foi unha das figuras da Revolución castrista. Encargouse da dirección de hoteis e de cadeas de cine. Regresou do exilio en 1994 e instalouse en Avilés onde morreu en 2002.
Véxase tamén[editar | editar a fonte]
Bibliografía[editar | editar a fonte]
- Galicia Hoxe, ed. (2005). Trasterrados. Dicionario do exilio galego. Santiago de Compostela. ISBN 84-8064-151-7.