John Walson

John Walson
Nacemento	1915
Falecemento	28 de marzo de 1993
Na rede
[ editar datos en Wikidata ]

John Walson, nado o 25 de marzo de 1915 en Forest City e finado o 28 de marzo de 1993 en Nova York, foi un pioneiro estadounidense da televisión por cable, recoñecido polo Congreso dos Estados Unidos e a National Cable Television Association como o seu inventor en 1948., aínda que algúns historiadores da televisión poñen en dúbida que fose o primeiro en desenvolvela.

Traxectoria

Nacido como John Walsonavich era fillo de inmigrantes rusos, estudou electrónica nunha escola de formación profesional en Chicago e de volta a Mahanoy City traballou nunha compañía eléctrica ata 1945 cando obtivo unha franquía para vender e reparar produtos de General Electric abrindo un local no nome de Service Electric Company, a partir de 1947 comezou a vender televisores pero a recepción do sinal das canles de televisión, que emitían desde Filadelfia era mala, debido a que as montañas que arrodeaban a vila bloqueaban o sinal. Para resolver o problema en xuño de 1948 Walson montou unha torre con antena no cumio dunha das montañas, conectándoa por medio de cable con televisores expostos no escaparate da súa tenda, o que lle permitía demostrar á clientela o ben que funcionaban sen ter que desprazarse ao alto da montaña. Posteriormente conectou aos seus clientes que vivían na zona que percorría o cable, esta foi a primeira rede de televisión por cable nos Estados Unidos e foi a primeira en utilizar microondas para sintonizar canles de televisión distantes , e o primeiro en usar cable coaxial para mellorar a calidade da imaxe.

Véxase tamén

Ligazóns externas

• Obituario no New York Times