John Millington Synge

John Millington Synge

Biografía
Nacemento	16 de abril de 1871 Rathfarnham (Reino Unido de Gran Bretaña e Irlanda)
Morte	24 de marzo de 1909 (37 anos) Dublín (Reino Unido de Gran Bretaña e Irlanda)
Causa da morte	Morte natural  (Linfoma )
Lugar de sepultura	Mount Jerome Cemetery (en)
Datos persoais
Grupo étnico	Pobo irlandés
Educación	Universidade de París Royal Irish Academy of Music (en)
Actividade
Ocupación	dramaturgo , escritor , poeta , libretista
Lingua	Lingua inglesa
Obra
Obras destacables The Playboy of the Western World (pt) (1904) Riders to the Sea (en)
Familia
Pais	John Hatch Synge (en)   e Kathleen Trail (en)
Irmáns	Annie Isabella Synge (en)
Parentes	John Lighton Synge (pt) (sobriño)

John Millington Synge, nado en Rathfarnham o 16 de abril de 1871 e finado en Dublín o 24 de marzo de 1909, foi un dramaturgo, poeta, prosista e recompilador de folclore irlandés. É unha figura clave no renacemento literario irlandés e un dos fundadores do Abbey Theatre. É coñecido sobre todo pola súa obra The Playboy of the Western World, que causou disturbios en Dublín durante a súa estrea no Abbey Theatre.

Aínda que proviña dun ambiente de clase media protestante, os escritos de Synge refírense principalmente ao mundo dos campesiños católicos da Irlanda rural e co que el consideraba o paganismo esencial do seu punto de vista sobre o mundo.

Synge padeceu a enfermidade de Hodgkin, unha forma de cancro daquela intratable. Faleceu poucas semanas antes do seu 38.º aniversario.

Legado

As obras de Synge axudaron a establecer o estilo do Abbey durante as seguintes catro décadas. O estilizado realismo da súa escritura reflectíase no sistema de interpretación ensinado na escola do teatro, e as obras sobre a vida campesiña foron o principal ingrediente do repertorio ata finais da década de 1950. Sean O'Casey, o seguinte dramaturgo principal que escribiu para o Abbey, coñecía ben a obra de Synge e intentou facer coas clases traballadoras dublinesas o que o seu predecesor fixera cos pobres das zonas rurais.

A crítica Vivian Mercier atopouse entre os primeiros que recoñeceron a débeda de Samuel Beckett con Synge. Beckett era un membro regular do público que acudía ao Abbey na súa mocidade e admirou en particular as obras de Yeats, Synge e O'Casey. Mercier sinala paralelismos entre as figuras de Synge de vagabundos, mendigos e campesiños, e moitas das personaxes das novelas e obras dramáticas de Beckett.

A casa de Synge nas illas Árann foi restaurada para convertela en atracción turística. Cada verán dende 1991 celébrase anualmente no lugar de Rathdrum (Wicklow), unha "Escola de Verán Synge".

Obra

• In the Shadow of the Glen, 1903
• Riders to the Sea, 1904. Adaptada ao galego como Xinetes para o mar por Antón Villar Ponte.
• The Well of the Saints, 1905
• The Aran Islands, 1907
• The Playboy of the Western World, 1907. Adaptada ao galego como O mozo que chegou de lonxe (A cantiga de Cristobo Alveiros) por Alberto Avendaño.
• O casamento do latoeiro (The Tinker's Wedding), 1908. Traducida ao galego por Ramón de Valenzuela.
• Poems and Translations, 1909
• Deirdre of the Sorrows 1910
• In Wicklow and West Kerry, 1912
• Collected Works of John Millington Synge 4 volumes, 1962–1968
  • Volume 1 Poems, 1962
  • Volume 2 Prose, 1966
  • Volumes 3 e 4 Plays, 1968

Véxase tamén

Bibliografía

• Greene, David H. & Stephens, Edward M. "J.M. Synge 1871-1909" (The MacMillan Company, Nova York 1959)
• Igoe, Vivien. A Literary Guide to Dublin. (Methuen, 1994) ISBN 0-413-69120-9
• Kiely, David M. John Millington Synge: A Biography (Nova York, St. Martin's Press, 1994) ISBN 0-312-13526-2
• McCormack, W. J. Fool of the Family: A Life of J. M. Synge (New York University Press, 2001) ISBN 0-8147-5652-2
• Mercier, Vivian, Beckett/Beckett (OUP 1977) ISBN 0-19-281269-6
• Ryan, Philip B. The Lost Theatres of Dublin. (The Badger Press, 1998) ISBN 0-9526076-1-1
• Synge, J.M.. The Complete Plays. 1st. Nova York: Vintage Books, 1935.
• Synge, J.M.; "The Aran Islands" editada cunha introdución de Tim Robinson (Penguin 1992) ISBN 0-14-018432-5

Ligazóns externas

• Synge na Biblioteca Irlandesa Princesa Gracia