Joachim Meisner

Joachim Meisner
Cardeal da Igrexa Católica
Biografía
Nacemento	25 de decembro de 1933 en Breslau
Pasamento	5 de xullo de 2017 en Bad Füssing
Ordes
Ordenación sacerdotal	22 de decembro de 1962, por Josef Freusberg
Consagración episcopal	17 de maio de 1975, por Hugo Aufderbeck
Creado cardeal	2 de febreiro de 1983, por Xoán Paulo II
Arcebispo metropolitano de Colonia
	1988 - 2014
Predecesor	Joseph Höffner
Sucesor	Rainer Maria Woelki
Outros
	; Escudo de Joachim Meisner
	Ficha en catholic-hierarchy.org

Joachim Meisner, nado o 25 de decembro de 1933 en Breslau (Baixa Silesia, Alemaña) e finado o 5 de xullo de 2017 en Bad Füssing, foi un eclesiástico católico latino, cardeal dende 1983 e arcebispo metropolitano de Colonia dende 1988 até 2014.

Traxectoria[editar | editar a fonte]

Joachim Meisner, á dereita, xunto a Karl Lehmann, Gerhard Schaffran e Joseph Ratzinger na Convención Católica de Dresden de 1987.

O cardeal Meisner xunto ao presidente do Consello de Estado da RDA Erich Honecker, en 1987.

Joachim Meisner naceu no distrito de Lissa, en Breslau, entón parte de Alemaña (hoxe en Polonia) o 25 de decembro de 1933, nunha familia católica con 3 fillos máis. Logo da expulsión da súa familia da Silesia en 1945 e do falecemento do seu pai no mesmo ano, os Meisner viviron en Körner (Turinxia). Logo dun período como profesional da banca, Joachim Meisner entrou en 1951 no seminario para adultos de Magdeburgo. Entre 1959 e 1962 estudou Filosofía e Teoloxía en Erfurt, onde foi ordenado diácono o 8 de abril de 1962. Foi ordenado sacerdote o 22 de decembro de 1962 polo bispo auxiliar de Fulda Joseph Freusberg. En 1969 doutorouse en Teoloxía pola Pontificia Universidade Gregoriana.

O 17 de marzo de 1975 foi nomeado bispo auxiliar de Erfurt-Meiningen e bispo titular de Vina. Recibiu a ordenación episcopal o 17 de maio de mans do administrador apostólico Hugo Aufderbeck; Meisner tomou como lema episcopal Spes nostra firma, da segunda epístola aos corintios de san Paulo.

O 22 de abril de 1980 foi nomeado bispo de Berlín. O papa Xoán Paulo II creouno cardeal, co título de Cardeal-Presbítero de Santa Pudenziana no consistorio do 2 de febreiro de 1983.

O 20 de decembro de 1988 foi nomeado arcebispo de Colonia, cargo no que permaneceu até o seu retiramento o 28 de febreiro de 2014, con 80 anos. Finou o 5 de xullo de 2017 en Bad Füssing.

Dignidades da Igrexa católica
Predecesor: Alfred Bengsch	Bispo de Berlín 1980 - 1988	Sucesor: Georg Maximilian Sterzinsky
Predecesor: Joseph Höffner	Arcebispo de Colonia 1988 - 2014	Sucesor: Rainer Maria Woelki