Jesús Prósper Ros
| Biografía | |
|---|---|
| Nacemento | 1889  Zaragoza, España |
| Morte | 20 de xullo de 1937 (47/48 anos) Pedrola, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Jesús Prósper Ros, nado en Zaragoza en 1889 e finado en Pedrola (Zaragoza) o 20 de xullo de 1937, foi un político español.
Traxectoria[editar | editar a fonte]
Fillo de Pedro Prósper Fuertes e de Petra Ros Sanz, tivo ao menos outros dous irmáns nados tamén en Zaragoza: Pedro (nado en 1881, curial en Lugo) e Juan (nado en 1884). Jesús foi factor da estación de Monforte de Lemos. Trasladouse despois a Santiago de Compostela como representante da Compañía del Norte. En 1927 foi destinado a Ourense. Asistiu como representante de Ourense ao Pacto de Lestrobe. En xuño de 1930 foi destinado a Burgos. Foi asasinado no masacre que tivo lugar cerca da vila de Pedrola o 20 de xullo de 1937.
Vida persoal[editar | editar a fonte]
Casou en Sada con Luisa Revilla Castro en 1913. Foi pai de Jesús, Filomena, Pedro, Ángel e María Luz Prósper Revilla.