Jesús Orgeira Muíño

Jesús Orgeira Muíño
Nacemento	1943
Falecemento	20 de xaneiro de 2011
Nacionalidade	España
Ocupación	político
[ editar datos en Wikidata ]

Jesús Orgeira Muíño, nado en 1943 e finado o 20 de xaneiro de 2011, foi un político galego do PSdeG-PSOE.

Traxectoria

Concelleiro do PSdeG-PSOE en Cerceda, foi elixido alcalde en 1985 logo da dimisión de José Gómez García. Nas eleccións municipais de 1987 encabezou a candidatura PSdeG-PSOE á alcaldía de Cerceda e foi elixido alcalde con maioría absoluta. Nas municipais de 1991 volveu ser elixido alcalde, tamén con maioría absoluta. En xuño de 1992 seis dos concelleiros do PSdeG-PSOE e os do PPdeG presentaron unha moción de censura contra el por favorecer supostamente a unha empresa da súa propiedade e foi desaloxado da alcaldía. Continuou na política municipal, primeiro como candidato do PINCE e despois do CDI. En 2004 foi condenado xunto con Fernado Martínez por un delito de falsidade electoral cometido en 1986.

Véxase tamén

Outros artigos

• Eleccións municipais en Cerceda

Ligazóns externas

• Artigo en La Voz de Galicia
• Artigo en Faro de Vigo