Jesús Muruais

Jesús Muruais

Nome orixinal	Jesús Muruais Rodríguez
Biografía
Nacemento	23 de decembro de 1852 Pontevedra, España
Morte	1 de xullo de 1903 (50 anos) Pontevedra, España
Lugar de sepultura	Cemiterio de Santo Amaro de Pontevedra
Datos persoais
País de nacionalidade	España
Formación profesional	Filosofía e Letras
Educación	Universidade de Santiago de Compostela
Actividade
Ocupación	avogado
Influencias en	Valle-Inclán; Said Armesto
Lingua	Lingua castelá
Familia
Cónxuxe	Carmen Carrillo Falcón
Fillos	Andrés, Jesús e Soledad
Irmáns	Andrés Muruais
Sinatura

Jesús Muruais Rodríguez, nado en Pontevedra o 24 de decembro de 1852 e finado na mesma cidade o 1 de xullo de 1903, foi un avogado, escritor, xornalista e crítico literario galego.

Traxectoria

Fillo de Juan Muruais, pontevedrés, e Soledad Rodríguez, do Carril, Jesús foi o segundo de tres irmáns. Estudou na Universidade de Santiago de Compostela e licenciouse en Filosofía e Letras na Universidade Central en 1875. Foi catedrático de instituto en Cáceres, Ourense e Pontevedra, onde ensinou latín. Co seu irmán Andrés frecuentou as reunións da sociedade La Galicia Literaria, que tiñan lugar en Madrid en 1875, na casa da poetisa Emilia Calé. Destacou polo seu labor de crítico literario, sobre todo pola polémica que mantivo con Leopoldo Alas, Clarín. Colaborou en El Deber, El Porvenir, La Ilustración Gallega y Asturiana, El Independiente, El Heraldo Gallego, El Lérez, El Zorongo, El Eco de Orense, O Tio Marcos d'a Portela, Revista Contemporánea, El Heraldo, Galicia Moderna e Barcelona Cómica. Foi propietario dunha gran biblioteca e no seu domicilio celebrábanse parladoiros literarios aos que asistían Ramón María del Valle-Inclán, Víctor Said Armesto e Xerardo Álvarez Limeses.

O personaxe de Jesús Muruais aparece na novela La saga/fuga de J. B. (1972), de Gonzalo Torrente Ballester.

Obras

• Cuentos soporíferos, 1874.
• Semblanzas galicianas, 1876.
• Semblanzas galicianas, nueva edición, aumentada con una segunda serie, 1884.

Vida persoal

Casou con Carmen Carrillo Falcón-Ribadeneira e foi pai de Andrés, Jesús e Soledad Muruais Carrillo.

Galería de imaxes

• 
  Cuentos soporíferos, 1874.
• 
  Semblanzas galicianas, 1884.
• 
  Sepulcro en Santo Amaro.

Véxase tamén

Bibliografía

• "Muruais Rodríguez, Xesús". Diccionario enciclopédico galego universal 43. La Voz de Galicia. 2003-2004. p. 104. ISBN 84-7680-429-6. 
• "Muruais Rodríguez, Xesús". Dicionario biográfico de Galicia 3. Ir Indo Edicións. 2010-2011. pp. 15–16. 
• "Muruais Rodríguez, Jesús". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Couceiro Freijomil, A. (1952). "MURUAIS RODRÍGUEZ, Jesús". Diccionario bio-bibliográfico de escritores (en castelán) II. Santiago de Compostela: Bibliófilos Gallegos. p. 467. 
• Vilavedra, D., ed. (1995). Diccionario da Literatura Galega I. Galaxia. p. 398. ISBN 84-8288-019-5. 

Outros artigos

* Exposición Rexional de 1880

Ligazóns externas

• Ramos González, José Manuel: "Pontevedra decimonónica. Caciques y cultura" 3/8/2011 (en castelán). * hermanosmuruais.blogspot.com.es