Jesús Mejuto Vázquez
Biografía | |
---|---|
Nacemento | 1888 A Coruña |
Morte | década de 1960 (71/81 anos) A Coruña |
Datos persoais | |
País de nacionalidade | España |
Actividade | |
Ocupación | xornalista , mestre , político |
Lingua | Lingua castelá |
Jesús Mejuto Vázquez, nado na Coruña en 1888 e finado a principios dos anos sesenta, foi un mestre, xornalista e político galego.
Traxectoria[editar | editar a fonte]
Estudou o Bacharelato no Instituto da Coruña e fíxose mestre na Normal da Coruña (1919). Foi mestre en Carral e pasou a Celas en 1920 e logo a Sésamo (1922-1931). Foi directivo da Sociedad Pro-Cultura de Celas e enfrontouse ao alcalde Augusto Seijas negándose a participar na Unión Patriótica. Militante do Partido Republicano Radical Socialista, foi director de El Noroeste cando este xornal pasou a ser órgano do partido en 1932. Membro da Agrupación a la Tercera República, foi candidato independente a deputado nas eleccións de 1933. Foi presidente do Comité local da Asociación de Trabajadores de la Enseñanza.[1] Posteriormente foi dirixente do Partido Radical-Demócrata e de Unión Republicana. En 1933 converteuse en mestre da Escola do Asilo municipal da Coruña. Masón, colaborou coa revista Ser e foi directivo da Liga de los Derechos del Hombre. Participou na campaña da Fronte Popular para as eleccións de febreiro de 1936.[2] Co golpe de Estado do 18 de xullo de 1936 foi detido durante un breve tempo. Foi destituído como mestre da Escola do Asilo en agosto.[3] Concedéronlle pasaporte en setembro de 1936 e saíu para Cuba. Volveu á zona gobernamental e estivo en Madrid, Valencia e Barcelona. En febreiro de 1939 cruzou a fronteira francesa. Estivo en Auterive (Alta Garona). Regresou a Galicia e permaneceu entobado na Coruña máis de sete anos.
Vida persoal[editar | editar a fonte]
Fillo de Roberto Mejuto e de Francisca Vázquez Amado, era irmán de María, Carlos, Roberto, José e Antonio Mejuto Vázquez. Casou con Amparo Cagiao Muíño en 1914,[4] e foi pai de Amparo, Fernando, Jaime e Rafael Mejuto Cagiao.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Pereira Martínez, Carlos (2005). "A represión franquista en Culleredo. Unha aproximación inicial" (PDF). A represión franquista en Galicia. Actas dos traballos presentados ao Congreso da Memoria. Narón, 4 a 7 de decembro de 2003. Asociación Cultural Memoria Histórica Democrática. pp. 485–486. Consultado o 31 de outubro de 2014.
Ligazóns externas[editar | editar a fonte]
- Jesús Mejuto Vázquez na páxina web Nomes e Voces.