Jeoju tokki

Jeoju tokki
Título     저주토끼 (ko)
Instancia de obra literaria  Composto por The Head (en) The Frozen Finger (en) The Embodiment (en) Snare (en) Scars (en) Ruler of the Winds and Sands (en) Reunion (en) Home Sweet Home (en) Goodybe, My Love (en) Cursed Bunny (en)
Características  Xénero artístico ficción de horror  Forma artística colección de contos  Edicións Cursed Bunny en lingua inglesa  Lingua lingua coreana
Implicados  Autor/a Bora Chung  Tradutor/a Anton Hur
Datas  Data de publicación 2017
Historia  Nomeamentos Premio International Booker (2022)
Fontes e ligazóns Goodreads 88519822 Open Library OL24520836W
Wikidata

Jeoju tokki (en coreano: 저주 토끼; en galego: O coello maldito) é unha escolma de relatos da escritora surcoreana Bora Chung, publicada orixinalmente en 2017.

Contido

O libro consta de dez contos de temática fantástica, de terror e de ciencia ficción. As súas influencias abarcan tanto a tradición literaria e mitolóxica occidental, en especial a eslava, como a do leste asiático.

As diferentes narrativas tratan temas sociais dende unha perspectiva de xénero, como a maternidade ou o envellecemento. Así mesmo, abórdase o descontento da poboación coreana co sistema político e económico do país. Neste sentido, por exemplo, o texto que da título á colección critica as políticas gobernamentais e as accións das grandes corporacións contra as empresas pequenas.

Moitos dos relatos conteñen elementos surrealistas, sinistros ou absurdos, que conforman unha voz literaria propia. Porén, a variedade de estilos e rexistros é unha característica distintiva do conxunto da obra.

Premios

• Finalista do International Booker Prize (2022).

Traducións

En castelán

• Conejo maldito (2023). Tradución directa de Álvaro Trigo Maldonado. Alpha Decay. ISBN 978-84-124787-8-5.

En inglés

• Cursed Bunny (2021). Tradución directa de Anton Hur. Honford Star. ISBN 9781916277182

En portugués

• Coelho maldito (2024). Tradución directa de Hyo Jeong Sung. Alfaguara. ISBN 9788556522207

Véxase tamén

• Ariza, Fernando (2023). "´Conejo maldito´: fantasía, terror y ciencia ficción con contenido". El Debate (en castelán). 
• Enríquez, Mariana (2024). ""Conejo maldito" de Bora Chung". Página 12 (en castelán). 
• Fernández, Laura (2023). "‘Conejo maldito’, un potente y bizarro cruce entre la fábula y lo fantástico de la surcoreana Bora Chung". El País (en castelán). 
• Knight, Lucy (2022). "International Booker prize shortlist delivers ‘awe and exhilaration’". The Guardian (en inglés). 
• Pascual, José Luis (2023). "Conejo maldito (Bora Chung)". Dentro del monolito (en castelán). 

Outros artigos

• Bora Chung