Jean Marie Okutu

Jean Marie Okutu
	Jean Marie Okutu en xullo de 2017.
Información persoal
Nacionalidade	Galicia
Nacemento	4 de agosto de 1988 (35 anos); Cotonou, Benín
Residencia	Marín
Altura	1,79 m
Peso	70 kg
Deporte
País	España
Deporte	Atletismo
Club	SG Pontevedra (2007-2012); FC Barcelona (2013-actualidade);
Adestrador	Javier Medrano
Na rede
	[ editar datos en Wikidata ]

Jean Marie Okutu, nado en Cotonou, Benín o 4 de agosto de 1988, é un atleta galego de orixe ghanesa, especializado no salto de lonxitude. Foi campión de España desta modalidade en once ocasións.

Traxectoria[editar | editar a fonte]

Jean Marie Okutu naceu en Cotonou, aínda que a súa familia é natural de Ghana. O seu pai, mariñeiro, traballaba daquela no porto da capital de Benín até que foi destinado a Marín, vila á que se trasladou Jean Marie Okutu á idade de 6 anos.^[1]

Comezou a practicar atletismo no club San Miguel de Marín e aos oito anos ingresou na Sociedad Gimnástica de Pontevedra. O seu primeiro éxito chegou no 2005, cando se proclamou campión de España en categoría xuvenil, cun salto de 7,08 m.

Okutu foi campión de España absoluto de lonxitude ao aire libre en seis ocasións: 2009 (7.94 m.), 2011 (7,84 m.), 2013 (7,76 m.), 2016 (7,65 m), 2017 (7,54 m) e 2018 (8,01 m). Tamén acadou cinco campionatos nacionais en pista cuberta nos anos 2013, 2014, 2015, 2016 e 2020. O seu mellor resultado internacional até o día de hoxe foi a medalla de prata no Campionato Iberoamericano de 2012.

Vida persoal[editar | editar a fonte]

Un dos seus irmáns, Edemon, foi un dos mariñeiros falecidos na traxedia do Villa de Pitanxo, buque galego afundido en augas de Terra Nova en 2022.^[2]

Historial internacional[editar | editar a fonte]

Ano	Evento	Lugar	Posto	Marca
2012	Campionato Iberoamericano de Atletismo	Barquisimeto, Venezuela	2º	7,87 m.
2013	Campionato de Europa de Atletismo en Pista Cuberta	Gotemburgo, Suecia	Q	7,65 m.
2013	Campionato de Europa de Atletismo por Nacións (Superliga)	Gateshead, Reino Unido	5º	7,88 m.

Mellores resultados[editar | editar a fonte]

Proba	Data	Lugar	Marca
Salto de lonxitude (aire libre)	10/07/2016	Serra Nevada	8,17 m.
Salto de lonxitude (pista cuberta)	21/02/2015	Antequera	7,98 m.

Palmarés[editar | editar a fonte]

Internacional[editar | editar a fonte]

Campionato Iberoamericano de Atletismo - Salto de lonxitude
- Prata: 2012

Galicia[editar | editar a fonte]

Campionato de Galicia ao aire libre - Salto de lonxitude (4): 2010, 2012, 2013 e 2014.

Nacional[editar | editar a fonte]

Absoluto[editar | editar a fonte]

Campionato de España de Atletismo - Salto de lonxitude (6): 2009, 2011, 2013, 2016, 2017 e 2018
Campionato de España de Atletismo en pista cuberta - Salto de lonxitude (5): 2013, 2014, 2015, 2016 e 2020

Promesa e júnior[editar | editar a fonte]

Campionato de España promesa ao aire libre - Salto de lonxitude (2): 2009 e 2010
Campionato de España xuvenil ao aire libre - Salto de lonxitude (1): 2010