Jean-Claude Duvalier

Na Galipedia, a Wikipedia en galego.
Infotaula de personaJean-Claude Duvalier

(2011) Editar o valor em Wikidata
Nome orixinal(fr) Jean-Claude Duvalier
(ht) Jan Klod Divalye Editar o valor em Wikidata
Biografía
Nacemento3 de xullo de 1951 Editar o valor em Wikidata
Porto Príncipe, Haití Editar o valor em Wikidata
Morte4 de outubro de 2014 Editar o valor em Wikidata (63 anos)
Porto Príncipe, Haití Editar o valor em Wikidata
Causa da morteMorte natural Editar o valor em Wikidata (Insuficiencia cardíaca Editar o valor em Wikidata)
Presidente do Haiti (pt) Traducir
22 de abril de 1971 – 7 de febreiro de 1986
← François Duvalier (pt) Traducir – Henri Namphy (pt) Traducir → Editar o valor em Wikidata
Datos persoais
País de nacionalidadeHaití Editar o valor em Wikidata
RelixiónCatolicismo Editar o valor em Wikidata
EducaciónUniversidade do Estado do Haiti (pt) Traducir
Institution Saint-Louis de Gonzague (en) Traducir Editar o valor em Wikidata
Actividade
Ocupaciónpolítico Editar o valor em Wikidata
Partido políticoNational Unity Party (en) Traducir Editar o valor em Wikidata
LinguaLingua francesa Editar o valor em Wikidata
Familia
CónxuxeMichèle Bennett (pt) Traducir (1980–1990) Editar o valor em Wikidata
PaisFrançois Duvalier (pt) Traducir Editar o valor em Wikidata  e Simone Duvalier Editar o valor em Wikidata
IMDB: nm2138975 WikiTree: Duvalier-11 Find a Grave: 136797130 Editar o valor em Wikidata

Jean-Claude Duvalier, nado en Port-au-Prince o 3 de xuño de 1951 e finado na mesma cidade o 4 de outubro de 2014,[1] foi un ditador de Haití de 1971 a 1986 coñecido como Baby Doc. Sucedeu o seu pai, François Duvalier, no posto de presidente da república, sendo o xefe de estado máis novo da historia contemporánea, xa que asumiu o poder con tan só dezanove anos.

Traxectoria[editar | editar a fonte]

Primeiros anos[editar | editar a fonte]

Duvalier naceu en Porto-au-Prince e foi creado nun ambiente illado. Na infancia e adolescencia asistiu ás institucións de ensino Nouveau College Bird e Saint-Louis de Gonzague. Máis tarde, estudou Dereito na Universidade do Estado do Haití, baixo a dirección de varios profesores, incluído Maître Gérard Gourgue.

Único fillo varón de François Duvalier ("Papa Doc") e Simone Ovide ("Mama Doc"), antiga enfermeira, Jean-Claude tiña tres irmás: Marie Denise, Nicole e Simone.

Política[editar | editar a fonte]

En 1957, o seu pai, François Duvalier, asumiu a presidencia e implantou un réxime de terror que durou ata a súa morte, en 1971.[2] O terrorismo político continuou baixo o dominio de Baby Doc, que aos 19 anos o sucedeu en réxime vitalicio, nunha época en que decenas de miles de haitianos foron torturados e mortos, segundo os grupos a prol dos dereitos humanos.[3] Ese terror era espallado pola súa milicia particular, un exército de soldados crueis denominados tonton-macoutes.

No goberno de Baby Doc a taxa de analfabetismo subiu a índices aínda máis grotescos e a esperanza de vida decaeu vertixinosamente, o que, xunto coa epidemia de SIDA e a fame que se estendía a través de todo o país, mergullou o país no caos social, forzando decenas de miles de haitianos á migración aos Estados Unidos en arriscadas barcazas abarrotadas.[3][2]

Jean-Claude Duvalier e súa esposa Michele, deixando Haití.

Xa na década de 1980, coa crise económica e o empobrecimento da poboación, o réxime de terror perdeu forza, ata que unha insurrección acabou co seu goberno o 7 de febreiro de 1986, a raíz da retirada do apoio militar e económico dos Estados Unidos e do golpe militar do xefe do exército, Henri Namphy.[4] Baby Doc fuxiu ao exilio en Francia.[2] Durante a súa estadía fóra do país constatouse o abismo entre o fausto da súa mudanza (que incluía cargamentos de maletas Louis Vuitton e millóns de dólares nas súas contas en bancos suízos) e a miseria reinante en Port-au-Prince.[3]

Entre 1986 e 1990, Haití intentou estabilizar a súa situación política, mais unha sucesión de golpes militares impediu calquera organización.

O 16 de xaneiro de 2011 Baby Doc retornou a Haití alegando que o seu regreso buscaba "axudar o pobo" tralo terremoto de 2010 e poucos días despois foi acusado de varios delitos, entre eles, detención ilegal e tortura dos seus opositores, corrupción ou apropriación de diñeiro público.[5] Porén, non tivo lugar ningún xuízo. O expresidente só compareceu perante a xustiza en febreiro de 2013, cando se presentou no Tribunal de Recurso de Port-au-Prince.[6] En febreiro de 2014, a xustiza haitiana ordenou unha nova investigación sobre crimes contra a humanidade "imprescritíbeis" que se lle atribuían.[7]

Vida persoal[editar | editar a fonte]

A súa voda con Michèle Bennett en 1980 foi pagada polo estado haitiano e pénsase que custou aos cofres públicos cinco millóns de dólares, mentres a poboación vivía na miseria, no que foi considerado o país máis pobre do hemisferio occidental.[2] En 1990 Duvalier e Bennett divorciáronse na República Dominicana. A maior parte da fortuna de Duvalier deixoulla a Bennett despois do divorcio. Ese mesmo ano coñeceu a Veronique Roy, neta de Paul Eugène Magloire.

O día 4 de outubro de 2014, Baby Doc morreu por mor dun ataque cardíaco, en Porto-au-Prince.[8][3]

Notas[editar | editar a fonte]

  1. ↑ Primera, Maye (4 de outubro de 2014). "Muere el exdictador haitiano Jean-Claude Duvalier". El País (en castelán) (Madrid). ISSN 1134-6582. Consultado o 6 de marzo de 2019. 
  2. ↑ 2,0 2,1 2,2 2,3 "Morre Baby Doc, ex-presidente do Haiti acusado de violar direitos humanos". BBC Brasil (en portugués). 4 de outubro de 2014. Consultado o 5 de outubro de 2014. 
  3. ↑ 3,0 3,1 3,2 3,3 "Jean-Claude Duvalier, ex-Haitian leader known as Baby Doc, dies at 63". The Washington Post. 4 de setembro de 2014. Consultado o 5 de setembro de 2014. 
  4. ↑ Julio Labastida Martín del Campo, Antonio Camou y Noemí Luján Ponce. Transición democrática y gobernabilidad: México y América Latina , páxina 315. FLACSO México, 2000. ISBN 968-856-899-6.
  5. ↑ Ex ditador Baby Doc regressa ao Haiti, consultado o 5 de outubro de 2014.
  6. ↑ Primera, Maye (22 de febreiro de 2013). "Un Duvalier ante la justicia de Haití". El País (en castelán) (Madrid). ISSN 1134-6582. Consultado o 6 de marzo de 2019. 
  7. ↑ Morre Baby Doc. consultado o 5 de outubro de 2014.
  8. ↑ "Morre o ex-presidente do Haiti Jean-Claude Duvalier, o 'Baby Doc'" (en portugués). 4 de outubro de 2014. Consultado o 4 de outubro de 2014. 

Véxase tamén[editar | editar a fonte]

Bibliografía[editar | editar a fonte]

  • People Magazine, 3 de marzo de 1986
  • Plunging into Haiti: Clinton, Aristide, and the defeat of diplomacy by Ralph Pezzullo
  • Baby Doc to Walters: Did best I could - The Miami News, 12 de xuño de 1986
  • Shrewd Investing Made Me Rich, Duvalier Says - The Montreal Gazette, 10 de xuño de 1986

Ligazóns externas[editar | editar a fonte]

Traído desde «https://gl.wikipedia.org/w/index.php?title=Jean-Claude_Duvalier&oldid=6113844»